काठमाडौँ । गायक तथा सारंगी वादक हेमन्त कान्छा रसाइलीको 'पिरती' बोलको गीतको भिडिओ सार्वजनिक भएको छ । गीतमा हेमन्त र गायिका सुनिता बुढा क्षेत्रीको स्वर रहेको छ ।

राजकुमार बगरको शब्द तथा संगीतमा तयार गीतमा गायक स्वयमकै एरेन्ज रहेको छ । पर्यटकीय नगरी घान्द्रुकमा छायांकन गरिएको भिडियाेमा माछापुच्छ्रे, अन्नपूर्ण हिमशृखलाको काखैमा पुगेर हेमन्त, बिजय पुन, निशा मगर र चाहाना मगरको नृत्य रहेको छ ।

भिडियाेमा प्रेममा परेपछिको खुशीलाई रोमान्टिक कहानीमार्फत प्रस्तुत गरिएको छ । निर्देशक मौसम हिमालीले भिडियाेलाई कलात्मक शैलीमा पस्किएका छन् । नवीन घर्ती मगरको सम्पादन रहेको भिडियाेको छायांकन पवन सुसलिङले गरेका हुन् ।

https://www.youtube.com/watch?v=vi6k-RGMfLw&t=3s

गायिका सुनिता बुढा

प्रकाशित मिति: सोमवार, माघ २३, २०७९, १०:३१ बिहान

लेखक: समाचारपाटी