हाम्राे भान्सामा प्रयाेग गरिने कतिपय वस्तुहरू स्वास्थ्यका हिसाबले पनि महत्वपूर्ण छन । कतिपय मसलाहरूले हाम्राे शरिदमा औषधिकाे रूपमा काम गरिरहेकाे हुन्छ। त्यस्तै मसला मध्ये एक हाे बेसार हाे । हाम्राे भान्सामा दैनिक रूपमा मसलाकाे रूपमा प्रयाेग गरिन्छ बेसार । बेसारकाे प्रयाेगबाट हामीलाइ कस्ता स्वास्थ्य लाभ हुन्छन जान्नुहाेस ।

– पेटमा जुका परेको छ भने १ चम्चा बेसार दैनिक बिहान खालीपेटमा एक सातासम्म ताजा पानीसँग खानुस्, स्वादका लागि नुन पनि मिसाउन सक्नुहुन्छ, यसले जुका मार्न मद्दत गर्छ।

– अनुहारको दाग हटाउन बेसार र कालो तिललाई बराबर मात्रामा मिसाएर पिस्नुहोस् र पेष्ट बनाएर लगाउनुहोस्। बेसार र दुधको पेष्ट लगाउनाले पनि छालाको रंगमा निखारता आउछ।

– खोकी लागेको छ भने बेसारको सानो टुक्रा मुखमा राखेर चुस्नुहोस्, यसले आराम दिन्छ। यस्तै, छालाको अनावश्यक रौं हटाउन बेसार र नरिवलको तेल मिलाएर पेस्ट बनाएर लगाउनुस्, यसबाट छाला नरम हुन्छ भने शरिरको अनावश्यक रौं बिस्तारै हट्दै जान्छ।

– घामले डढेर छाला कालो भएको छ भने बेसारको धुलो, बदामको धुलो र दही मिसाएर लगाउने हो भने छालामा निखारता आउछ, यसले एक प्रकारको सनस्क्रीन लोशनको काम गर्छ। मुखको छालामा घाउ भएकालाई पनि बेसार पानीले कुल्ला गर्नाले फाइदा हुन्छ।

Samacharpati Health Tipsबेसार

प्रकाशित मिति: बुधबार, माघ १७, २०८०, ३:१२ बेलुका

लेखक: समाचारपाटी