पोखरा । विज्ञान र प्रविधिको विकासले सबै क्षेत्रमा नयाँ नयाँ आविष्कार भइरहेका छन् । मेडिकल ल्याब क्षेत्र यसबाट अछुतो हुने कुरै भएन । स्वास्थ्य प्रयोगशालाको क्षेत्रमा आएका नयाँ प्रविधि, जाँच, मेसिन आदिबारे शुक्रबार पोखरामा
विज्ञहरुबीच छलफल भएको छ ।

कार्यक्रममा रस कम्पनीका प्रशिक्षक डा भूषण नागपुरेले हृदयघात र हार्ट फेलिएरका जाँचबारे प्रकाश पार्नुभयाे । उहाँले ट्रोपोनिन एचएस, एन्टीप्रो बिएनपी जस्ता जाँचले समयमै हृदयघात र हार्ट फेलिएरको जानकारी दिने भएकाले जीवन रक्षामा योगदान पुग्ने बताउनुभयाे ।

रसका मार्केटिङ म्यानेजर विस्नु सक्वातले लामो समय र ठूलो धन राशि खर्च गरी अनुसन्धानपछि कम्पनीले नयाँ मेसिन र जाँचहरु सुरुआत गरेको उल्लेख गर्नुभयाे । उहाँले विश्वका २ सयभन्दा बढी देशमा रसका मेसिनबाट रक्त जाँच भइरहेको बताउनुभयाे ।

ल्याब गुणस्तर विज्ञ सुशील थापाले गुणस्तरलाई अपडेट गर्दै अत्याधुनिक प्रयोगशाला सेवा सञ्चालन गर्नेपर्ने बताउनुभयाे । पोखरा स्वास्थ्य विज्ञान प्रतिष्ठानका चिफ कन्सल्टेन्स फिजिसियन प्राडा बुद्धिबहादुर थापा र प्राडा गिरधारी शर्माको संयुक्त अध्यक्षतामा
कार्यक्रम भएको हो । कार्यक्रममा २ सय २५ चिकित्सक सहभागी थिए । युनाइटेड रेफरेन्स ल्याबोरेटरी प्रालि(युआरएल)ले डाइनोनेक सपोर्ट र रस डायग्नोस्टिक इन्डिया एन्ड नायबरिङ मार्केटेस्को सहकार्यमा कार्यक्रम आयोजना गरेको हो ।

युआरएलले हरेक वर्ष नयाँ मेसिन र जाँचबाट विज्ञ र चिकित्सकसँग छलफल आयोजना गर्दै आएको छ । कार्यक्रममा चिकित्सकहरुले नयाँ मेसिन र नयाँ परीक्षणहरुले रोगको निदानलाई सहज बनाएको बताएका थिए ।

छलफलस्वास्थ्य प्रयोगशाला

प्रकाशित मिति: आइतवार, चैत्र ५, २०७९, ११:११ बिहान

लेखक: समाचारपाटी