काठमाडौं । अमेरिकाको हवाई टापुमा पर्ने माउई काउन्टीको एक जंगलमा आगलागी भएको छ । आगलागीमा परी अहिलेसम्म ५३ जनाको मृत्यु भएको बीबीसीले जनाएको छ ।आगला गीमा परी ऐतिहासिक सहर लहेना नराम्ररी प्रभावित भएको छ । स्थानीय अधिकारीहरूलाई उद्धृत गर्दै समाचार संस्थाहरूले आगलागीमा परी कम्तिमा एक हजार मानिस अझै बेपत्ता रहेको उल्लेख गरेका छन् ।

हवाई गभर्नर जोस ग्रीनले आफ्नो फेसबुक पेजमा आगलागीको भिडियो शेयर गर्नुभएकाे छ । उक्त भिडियो फुटेजमा आगलागीबाट शहर भग्नावशेषमा परिणत भएको देख्न सकिन्छ । यो घटनालाई गभर्नर ग्रीनले ‘असाधारण’ र ‘दुःखद’ भन्नुभएकाे छ । उहाँले यस आगलागीबाट १ हजारभन्दा बढी भवन जलेर नष्ट हुने अनुमान गर्नुभएकाे छ ।

उहाँले आगलागीलाई राज्यको इतिहासकै सबैभन्दा ठूलो विपद् भन्नुभएकाे छ । उहाँले आगलागीमा परी मृत्यु हुनेको सङ्ख्या बढ्न सक्ने बताउनुभएकाे छ । अमेरिकी अन्तरिक्ष एजेन्सी नासाले आगोको परिमाण देखाउने तस्बिर सार्वजनिक गरेको छ भने अमेरिकी राष्ट्रपति जो बाइडेनले हवाईको जंगलमा लागेको आगलागीलाई ठूलो प्रकोप घोषणाको संज्ञा दिनुभएकाे छ ।आगलागीपछि हजारौं पर्यटक र स्थानीय मानिसहरूलाई अस्थायी आश्रयमा सारिएको छ ।

आगलागीहवाई टापु

प्रकाशित मिति: शुक्रबार, साउन २६, २०८०, १२:१९ बेलुका

लेखक: समाचारपाटी