इण्डोनेसिया ओलम्पिक कमिटीका अध्यक्ष राजा साप्टा ओक्तोहरीले चीनको हानझाओ शहरमा हुने १९ औं एशियन गेम्समा उत्कृष्ट नतिजा प्राप्त गर्ने गर्ने आशा व्यक्त गर्नुभएको छ । 

इण्डोनेसियाले गत १८ औं एशियन गेम्सको घरेलु मैदानमा आयोजना गरेको थियो । यस पटक चीनमा आयोजना हुने एसियन गेम्समा इण्डोनेसियाले राम्रो प्रदर्शन गर्ने लक्ष्य राखेको छ । इण्डोनेसियामा भएको एशियन गेम्स र एसियन पारा गेम्स २०१८ का क्रममा हानझाओलाई १९औं संस्करणको झण्डा हस्तान्तरण गरेको क्षण उल्लेख गर्दै इण्डोनेसिया ओलम्पिक कमिटीका अध्यक्ष ओक्तोहरीले हानझाओ एसियाडका लागि निकै उत्साहित रहेको समेत बताउनुभएको छ । यसअघि कहिल्यै पनि हानझाओ नगएको उल्लेख गरेका ओक्तोहरीले यो प्रतियोगिताका लागि उत्साहित र धेरै आशा बोकेको धारणा राख्नुभएको हो । उहाँले आफ्ना देशका खेलाडी र अफिसियलको हानझाओ एशियन गेम्समा उच्च स्तरको प्रदर्शनको प्रतीक्षामा रहेको समेत धारणा राख्नुभयो । साथै एशियाभरका खेलाडीको प्रदर्शनले पनि निकै रोमाञ्चक बनाउने उनको विश्वास छ ।

यस एशियन गेम्समा ४५ राष्ट्रका १२ हजार पाँच सय खेलाडीले कुल ४० खेलमा चार ८१ विधामा चुनौति प्रश्तुत गर्दैछन् । इण्डोनेसियाको तर्फबाट भने चार सय १५ खेलाडीको प्रतिष्पर्धा तय भएको छ । अफिसियलसहित हानझाओ एशियन गेम्समा ६ सयभन्दा बढी इण्डोनेसियाको टोली हानझाओ शहर पुग्नेछ । इण्डानेसियाले ३१ वटा खेलको ४२ विधामा प्रतिष्पर्धा गर्दैछ । धेरै सहभागिता रहेको र तयारी पनि राम्रो भएकाले हानझाओ एशियन गेम्समा धेरैभन्दा धेरै पदकको आशा गरिएको इण्डोनेसिया ओलम्पिक कमिटीका अध्यक्ष राजा साप्टा ओक्तोहरीले बताउनुभएको छ ।  

चीन विश्व खेलकुदमा पनि शक्तिशाली देश रहेकाले एसियाडमा उसको तयारी निकै आशालाग्दो रहेको ओक्तोहरीको विश्वास छ । यो अवसरमा चीनसँग आपसी सहकार्य र सहयोगमार्फत दुई देशबीचको हीतमा काम गर्ने पनि इण्डोनेसियाको लक्ष्य छ । इण्डोनेसियाले गत एशियन गेम्समा खेलकुदका ठूला संरचना निर्माण लगायतमा राम्रो काम गरेर देखाएको उल्लेख गर्दै ओक्तोहरीले चीनबाट झन् राम्रो उदाहरण पेस हुने विश्वास व्यक्त गर्नुभएको छ । 

हानझाओले यादगार एशियन गेम्सको आयोजना गरेको हेर्न पनि आफूहरु आतुर रहेको ओक्तोहरीले बताउनु भयो । त्यसका लागि इण्डोनेसिया हरेक क्षेत्रबाट चीनलाई सहयोग गर्न पनि तयार रहेको उनको भनाई छ । 
सिन्ह्वा

इण्डोनेसियाइण्डोनेसिया ओलम्पिक कमिटी

प्रकाशित मिति: शनिबार, भदौ ३०, २०८०, ११:०८ बिहान

लेखक: समाचारपाटी