सुनसरी । सुनसरी निर्वाचन क्षेत्र नम्बर ४ बाट प्रतिनिधिसभा सदस्यमा काँग्रेसका ज्ञानेन्द्रबहादुर कार्की निर्वाचित हुनुभएकाे छ । उहाँले एमालेका केन्द्रीय सदस्य जगदीश कुसियतलाई १ सय १२ मतान्तरले पराजित गर्दै विजयी हुनुभएकाे हाे।

ज्ञानेन्द्रबहादुर कार्कीले ३० हजार ४ सय ८३ मत प्राप्त गर्नुभयाे। उहाँका निकटतम् प्रतिद्वन्द्वी कुसियतले ३० हजार ३ सय ७१ मत प्राप्त गर्नुभयाे।

सरकारका प्रवक्ता समेत रहनुभएका सञ्चारमन्त्री ज्ञानेन्द्रबहादुर कार्की जितसँगै दोस्रो पटक संसद भवन प्रवेश गर्ने हुनुभएकाे छ ।

ज्ञानेन्द्रबहादुर कार्की भोजपुरबाट पटक पटक निर्वाचनमा पराजित भएपछि २०७४ को निर्वाचनदेखि सुनसरी ४ बाट चुनाव लड्दै आउनुभएकाे हाे। २०७४ को निर्वाचनमा पनि ज्ञानेन्द्रबहादुर कार्कीले एमालेका रमेश श्रेष्ठलाई पराजित गर्नुभएकाे थियाे।

pradesh 1ज्ञानेन्द्रबहादुर कार्की

प्रकाशित मिति: बिहिबार, मंसिर १५, २०७९, १२:०२ बेलुका

लेखक: समाचारपाटी