गुल्मी । गुल्मीमा अरिङ्गालले टोकेर एक जनाको मृत्यु भएको छ । मुसिकोट नगरपालिका-४ का २१ वर्षीय शैलेससिंह ठकुरीको मृत्यु भएको जिल्ला प्रहरी कार्यालय गुल्मीका प्रहरी नायब उपरीक्षक (डीएसपी) डिल्लीनारायण पाण्डेले बताउनुभयाे ।

सोमबार बेलुका साथिहरुसँग देविस्थान सामुदायिक जंगलमा सल्लाको बोटमा रहेको अरिङ्गागालको गोलो पोल्ने क्रममा शैलेसलाई अरिङ्गालले टोकेको थियो ।

अरिङ्गालको टोकाइबाट घाइते भएका शैलेसलाइ सोमबार राति घरमै राखिएकाे थियाे। आज मङगलबार बिहान आफन्तले गुल्मी अस्पताल पुर्‍याएका थिए । शैलेसको उपचारका क्रममा आज बिहान सोही अस्पतालमा मृत्यु भएको डीएसपी पाण्डेले बताउनुभयाे ।

अरिङ्गालगुल्मी

प्रकाशित मिति: मङ्लबार, साउन ३०, २०८०, १२:१२ बेलुका

लेखक: समाचारपाटी