काठकाडौं । नेकपा एमाले को केन्द्रीयकमिटी बैठकमा समूहगत छलफल शुरु भएको छ ।
पार्टी केन्द्रिय कार्यालय च्यासलमा जारी केन्दिय कमिटी बैठकमा बिहीवार अध्यक्ष केपी शर्मा ओलीले प्रश्तुत गर्नु भएको राजनीतिक प्रतिवेदन, विभिन्न आयोगका प्रतिवेदन र गैरभौगोलिकसहित नौ वटा प्रदेश कमिटीहरुका अध्यक्षहरुले प्रश्तुत गर्नुभएको मिसन ग्रासरुट अभियानसम्बन्धि प्रतिवेदनबारे ८ वटा समूह बनाएर छलफल शुरु गरिएको हो ।

बिहान ८ बजेबाट शुरु भएको छलफललगत्तै प्रदेश अध्यक्षहरुलाई सुझाव प्रश्तुतका लागि १० मिनेटको समय दिइएको छ I

प्रदेश कमिटीका अध्यक्षहरुले दिएको सुझावको आधारमा पार्टीको वार्षिक कार्ययोजना बनाउन स्थायी कमिटी बैठक बोलाइएको छ । स्थायी कमिटी बैठकले समूहगत छलफलबाट प्राप्त सुझावको आधारमा वार्षिक कार्ययोजना तय गर्नेछ ।

यसैबीच, एमालेले आजै अपरान्ह साढे २ बजे पत्रकार सम्मेलन आयोजना गर्दैछ । एमालेको जारी केन्द्रिय कमिटी बैठक शनिवार समसामयिक राजनीतिक परिस्थितिबारे छलफल गर्ने एजेण्डा तय गरिएको छ । त्यसपछि अध्यक्ष ओलीको मन्तव्यसहित बैठक समापन हुनेछ ।

केन्द्रीय कमिटी बैठक

प्रकाशित मिति: शुक्रबार, बैशाख २९, २०८०, १:४५ बेलुका

लेखक: समाचारपाटी