ग्राण्डी इन्टरनेश्नल हस्पिटलले काठमाडौंको झोरमा शनिवार एक दिने निःशुल्क स्तन क्यान्सर परीक्षण स्वास्थ्य शिविर तथा जनचेतना कार्यक्रम सञ्चालन गरेको छ । 

महिलाहरुको पाठेघर तथा स्तन क्यान्सर सम्बन्धी प्रारम्भिक परीक्षण गर्ने र क्यान्सर हुन नदिने जनचेतना पैदा गर्ने उद्देश्यले शिविर सञ्चालन गरेको हो । शिविरमा ३० वर्ष नाघेका एक सय जना महिलाहरुले परीक्षण गराएका थिए । जसमध्ये १० प्रतिशतमा विस्तृत किसिमको परीक्षण गर्नुपर्ने देखिएको छ । रेडियोलोजिष्ट डा.अनामीका झाले स्तन क्यान्सर रोगबाट बच्नका लागि  ४० वर्ष माथीका महिलाहरुलाई म्यामोग्राम टेष्ट गरी ढुक्क रहन सुझाव दिनुभयो । 

उहाँले भन्नुभयो, ‘अक्टुबर महिना ब्रेस्ट क्यान्सरको अवेयरनेसको महिना भएकोले छानेको हो । आजको क्याम्पमा हामिले मुख्यतः ३० वर्ष पूरा गरेका महिलाहरुको स्तन क्यान्सरको लागि स्क्रिनिङ गर्न खोजेको हो । यस्तै शंका लागेकालाई अल्ट्रा साउण्ड पनि गरेका छौं । यस्तै, स्तन क्यान्सर हुन नदिन जनचेतना पनि पैदा गरेका छौँ ।  त्यो सँगै म्यामोग्राम कहिले गर्ने ? अल्ट्रा साउण्ड कहिले गर्ने ? आफूलाई स्तन क्यान्सर हुन नदिन के के कुरामा शतर्क हुने भन्ने कुरामा जानकारी गरायौं । हामीले लक्षणको वेट गर्नुपर्दैन । स्क्रिनिङ म्यामोग्राम ४० वर्ष कटेपछि प्रत्येक वर्ष एक पटक गराउनुपर्छ । यस्तो कुराहरु आज हामीले फोकस गरेका हौँ । ’डा झाले स्तन क्यान्सरबाट बच्न समय समयमा परीक्षण गराइरहन सुझाव दिनुभयो ।  

ग्राण्डी इन्टरनेश्नलस्तन क्यान्सर

प्रकाशित मिति: आइतवार, अशोज २१, २०८०, ९:५३ बिहान

लेखक: समाचारपाटी