काठमाडौं । निवर्तमान प्रधानमन्त्री शेरबहादुर देउवाले आज बालुवाटारस्थित सरकारी निवास छाड्ने हुनुभएकाे छ ।

नेकपा माओवादी केन्द्रका अध्यक्ष पुष्पकमल दाहाल प्रचण्ड आइतबार प्रधानमन्त्री नियुक्त भएपछि देउवा बालुवाटार निवासबाट बुढानिलकण्ठस्थित निजी निवास जान लाग्नुभएकाे हाे ।

माओवादी अध्यक्ष प्रचण्डले अपराह्न चार बजे प्रधानमन्त्री पदको शपथ ग्रहण गर्दैहुनुहुन्छ । त्यसअघि नै देउवाले बालुवाटारस्थित निवास छाड्ने उहाँ निकट स्रोतले बताएकाे छ ।

देउवा बुढानीलकण्ठ फर्किने भएपछि उहाँको निजी निवास सरसफाइ र मर्मतको काम भइरहेको छ ।

शेरबहादुर देउवा

प्रकाशित मिति: सोमवार, पुस ११, २०७९, ११:५९ बिहान

लेखक: समाचारपाटी