ग्लोबल आइएमई बैंकको १८औं वार्षिकोत्सवमा दराजमा १८ प्रतिशत छुट दिने

काठमाडौं I ग्लोबल आइएमई बैंक लिमिटेडले आफ्नो १८औं वार्षिकोत्सवको अवसरमा आफ्ना ग्राहकहरूलाई विशेष छुट योजना सार्वजनिक गरेको छ। बैंकका डेबिट तथा क्रेडिट कार्ड प्रयोगकर्ताले दराज अनलाइन स्टोरबाट सामान खरिद गर्दा १८ प्रतिशतसम्म छुट प्राप्त गर्न सक्नेछन्।

यो योजना पौष १८ गतेदेखि पौष २४ गतेसम्म लागू हुनेछ। ग्राहकले ग्लोबल आइएमई बैंकको भिजा डेबिट वा क्रेडिट कार्ड प्रयोग गरी दराजमा कम्तीमा रु. १,८०० को खरिद गर्दा यो छुट पाउनेछन्। छुटको अधिकतम सीमा रु. १,८०० कायम गरिएको छ।

साथै, छुट योजनाअन्तर्गत बैंकले १८ जना भाग्यशाली ग्राहकलाई एयरबड उपहार स्वरूप प्रदान गर्नेछ।

ग्लोबल आइएमई बैंक मुलुकको पहिलो निजी वाणिज्य बैंक हो जसले सतहत्तरै जिल्लामा शाखा सञ्जाल स्थापना गरेको छ। बैंकका ३५४ शाखा, ३८४ एटिएम, २३७ शाखारहित बैंकिङ सेवा, ६८ एक्सटेन्सन काउन्टर, र ३ वटा विदेश प्रतिनिधि कार्यालय गरी १,१०० भन्दा बढी सेवा केन्द्रहरू छन्।

बैंकले रेमिट्यान्स सेवामार्फत संयुक्त राज्य अमेरिका, अस्ट्रेलिया, मलेसिया, कतार, यूएई, भारत लगायतका विभिन्न देशहरूबाट रकम भित्र्याउँदै आएको छ।

ग्लोबल आइएमई बैंकले २०२४ मा ग्लोबल फाइनान्सको बेष्ट बैंक अवार्ड र युरो मनी अवार्ड फर एक्सलेन्स प्राप्त गरी नेपालको सर्वश्रेष्ठ बैंकको रूपमा सम्मानित भएको छ।

बैंकले यस प्रकारका योजनामार्फत ग्राहकहरूको सुविधालाई प्राथमिकतामा राख्दै समयानुकूल सेवाहरू उपलब्ध गराउँदै आएको छ।