काठमाडौं I ग्लोबल आइएमई बैंक लिमिटेडका ग्राहकले समाज डेन्टल अस्पतालका विभिन्न सेवाहरूमा विशेष छुट पाउने भएका छन्। यससम्बन्धी सम्झौतापत्रमा बैंकका ट्रान्जेक्सन बैंकिङ सेल्स तथा बिजनेस प्रमुख प्रकाश पौडेल र समाज डेन्टल अस्पतालका प्रबन्ध निर्देशक शंकु घिमिरेले हस्ताक्षर गर्नुभएको हो।

सम्झौता अनुसार, बैंकका डेबिट/क्रेडिट कार्ड र ग्लोबल स्मार्ट प्लस एपमार्फत भुक्तानी गर्दा ग्राहकले ओपीडी दर्ता शुल्क, डाक्टरको परामर्श शुल्क, र आजीवन सदस्यता शुल्कमा शतप्रतिशत छुट पाउनेछन्। त्यस्तै, एक्सरे बाहेकका अन्य सम्पूर्ण सेवामा एकमुष्ठ १० प्रतिशत छुटको व्यवस्था गरिएको छ।

बैंकले आफ्ना ग्राहकलाई थप सुविधा दिन क्रेडिट कार्डमार्फत उपचार खर्च किस्ताबन्दीमा तिर्ने व्यवस्था पनि गरेको छ। ग्राहकले रु. १५,००० देखि ५,००,००० सम्मको बिल ६ देखि १२ महिनासम्मका किस्तामा तिर्न सक्नेछन्।

ग्लोबल आइएमई बैंकले ग्राहकको सुविधालाई ध्यानमा राख्दै विभिन्न योजनाहरू ल्याउँदै आएको छ। मुलुकका सबै ७७ जिल्लामा शाखा रहेको बैंकले १,१०० भन्दा बढी सेवा केन्द्रमार्फत बैंकिङ सेवा प्रदान गर्दै आएको छ।

हालै, ग्लोबल फाइनान्सको बेस्ट बैंक अवार्ड २०२४ र युरोमनी अवार्ड फर एक्सलेन्स २०२४ बाट सम्मानित बैंकले राष्ट्रिय र अन्तर्राष्ट्रिय क्षेत्रमा उच्च पहिचान कायम गरेको छ।

ग्राहकहरूले यस सुविधाको फाइदा लिन ग्लोबल आइएमई बैंकको नजिकैको शाखामा सम्पर्क गर्न सक्नेछन् I

ग्लोबल आइएमई बैंकडेन्टल अस्पतालमा विशेष छुट

प्रकाशित मिति: आइतवार, मंसिर ९, २०८१, ५:२३ बेलुका

लेखक: समाचारपाटी