काठमाडौं I ग्लोबल आइएमई बैंक लिमिटेडले आफ्नो १८औँ वार्षिकोत्सवको अवसरमा १८ हजार बृक्षारोपण गर्ने घोषणा गरेको छ। बैंकको संस्थागत सामाजिक उत्तरदायित्व अन्तर्गत चालु आर्थिक वर्षमा देशभर स्थानीय संघ/संस्थासँगको सहकार्यमा यो योजना लागू गरिनेछ।

बैंकका प्रमुख कार्यकारी अधिकृत सुरेन्द्रराज रेग्मीले अनामनगरस्थित कार्यालय परिसरमा बिरुवा रोपेर अभियानको शुभारम्भ गरे। रेग्मीले बृक्षारोपणले वातावरणीय सन्तुलन कायम राख्न महत्वपूर्ण भूमिका खेल्ने बताउँदै चालु आर्थिक वर्षभरि १८ हजार बिरुवा रोप्ने योजना रहेको जानकारी दिए।

कार्यक्रममा बैंकका उच्च व्यवस्थापनका कर्मचारीहरुको उपस्थिति रहेको थियो। ग्लोबल आइएमई बैंकले सामाजिक उत्तरदायित्व अन्तर्गत विभिन्न कार्यक्रमलाई निरन्तरता दिँदै आएको छ।

यसका साथै, बैंकले ग्लोबल फाइनान्सको "बेष्ट बैंक अवार्ड २०२४" तथा "युरो मनी अर्वाड फर एक्सलेन्स २०२४" सहित नेपालका विभिन्न प्रतिष्ठित अवार्डहरू प्राप्त गरेको छ। मुलुकभर ३५५ शाखा, ३८४ एटिएम, र १,१०० भन्दा बढी सेवा केन्द्रहरूसँग, बैंकले आफ्नो सेवाको दायरा विस्तार गरिरहेको छ।

बैंकले रेमिट्यान्स सेवामार्फत पनि नेपालभित्र विदेशी मुद्रा भित्र्याउँदै आएको छ। संयुक्त राज्य अमेरिका, बेलायत, क्यानडा, अस्ट्रेलिया, मलेशिया लगायत अन्य देशहरूबाट रेमिट्यान्स भित्र्याउने काम बैंकले गरिरहेको छ।

१८ हजार बृक्षारोपण गर्ने घोषणाग्लोबल आइएमई बैंकग्लोबल आइएमई बैंकको १८औँ वार्षिकोत्सवमा १८ हजार बृक्षारोपण गर्ने घोषणा

प्रकाशित मिति: मङ्लबार, पुस २३, २०८१, ६:२५ बेलुका

लेखक: समाचारपाटी