।
पोखरा । गण्डकी प्रदेश प्रहरी प्रमुख बुद्दिराज गुरुङले पोखरा उपत्यकामा कार्यरत सम्पुर्ण ट्राफिक प्रहरीहरु संग अन्तरक्रिया गर्नुभएको छ ।

शहरी क्षेत्रहरुमा दिनहु बढ्दै गईरहेको सवारी चाप र अपर्याप्त जनशक्तिका बाबजुद सडक र सवारी व्यबस्थापनमा अब्बल गण्डकी प्रदेशका ट्राफिक प्रहरीले खेपिरहनु परेका समस्या र समाधानका उपायहरुको विषयमा उक्त अन्तरक्रिया कार्यक्रम केन्द्रित रहेको थियो ।

अन्तरक्रिया कार्यक्रममा सहभागी प्रहरी कर्मचारीहरुलाई निर्देशन गर्दै प्रहरी नायव महानिरीक्षक गुरुङले निरन्तर जनसम्पर्कमा रहने ट्राफिक प्रहरीले कार्यसम्पादनमा उच्च व्यवसायिकता प्रदर्शन गर्नुपर्ने बताउँदै प्रहरी आचरण लाई उल्लंघन गरी गरीएका कुनैपनि गतिबिधिहरु आफुबाट क्षम्य नहुने समेत उल्लेख गर्नुभयो ।

यसका साथै गण्डकी प्रदेशको ट्राफिक व्यबस्थापनमा प्रहरीले गरेका त्रुटिहरु नदोहोरीने गरी सम्पुर्ण ट्राफिक प्रहरीले कानुन बमोजिम गर्नुपर्ने कारबाहीमा चुक्न नहुने बताउनुभयो ।

गण्डकी प्रदेश प्रहरी प्रमुख प्रहरी नायव महनिरीक्षक बुद्धिराज गुरुङले गत माघ २३ र २५ गते गरी नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय तनँहु र जिल्ला ट्राफिक प्रहरी कार्यालय कास्कीमा कार्यरत ट्राफिक प्रहरी कर्मचारीहरुसंग अन्तरक्रिया गर्नुभएको हो ।

अन्तरक्रियाट्राफिक प्रहरी

प्रकाशित मिति: बिहिबार, माघ २६, २०७९, ८:४२ बिहान

लेखक: समाचारपाटी