पूर्वमन्त्री एवं पूर्वराजदुत डा. भेषबहादुर थापाको ‘राष्ट्र परराष्ट्र, एकतन्त्रदेखि गणतन्त्रसम्म’ पुस्तक लोकर्पण भएको छ ।

मंगलवार काठमाडौंमा एक कार्यक्रमबीच पुस्तक लोकर्पण गरिएको हो । पुस्तक लोकार्पण समारोहमा बोल्दै लेखक थापाले परिवार र सद्भाव राख्ने मित्रहरुको निरन्तर प्रेरणा र आग्रहमा पुस्तक लेख्न सफल भएको बताउनु भयो । उहाँले पुस्तकमा कलिलो उमेरदेखि नेपाल सरकारमार्फत राष्ट्रिय योजना, आर्थिक राजनीतिक, कुटनीतिक र अन्तर्राष्ट्रिय क्षेत्रहरुमा काम गर्दाको अनुभव रहेको बताउनु भयो । उहाँले पुस्तकमा व्यक्तिगत धारणा नभइ आफ्नो व्यवसायिक जीवनको दौडानमा राष्ट्रको लागि महत्वपूर्ण घटना र मुद्दालाई समेट्ने प्रयास गरिएको बताउनु भयो । उहाँले पुस्तकले आफूहरुको पुस्ताले गरेको प्रयासले नेपालको भविष्य निर्माणको लागि आधार सिर्जना गर्ने विश्वास व्यक्त गर्नुभयो ।

उहाँले भन्नुभयो, ‘मैले यो पुस्तक लेख्ने कल्पना पनि गरेको थिइनँ । तर परिवार र सद्भाव राख्ने मित्रहरुको निरन्तर प्रेरणा र आग्रहमा यो पुस्तक जन्मिएको हो । यो पुस्तकमा कलिलो उमेरदेखि नेपाल सरकारमार्फत राष्ट्रिय योजना, आर्थिक राजनीतिक, कुटनीतिक र अन्तर्राष्ट्रिय क्षेत्रहरुमा काम गर्दाको अनुभव छन् । व्यक्तिगत धारणा नभइ आफ्नो व्यवसायिक जीवनको दौडानमा राष्ट्रको लागि महत्वपूर्ण घटना र मुद्दालाई समेट्ने प्रयास गरेको छु । हाम्रो पुस्ताले गरेका यी प्रयासले नेपालको भविष्य निर्माणको लागि आधार सिर्जना गरेको छ भन्ने ठानेको छु ।’

पूर्वमन्त्री थापाको पुस्तक लोकार्पण समारोहमा पुग्नुभएका सांसद डा. स्वर्णिम वाग्ले र सुमना श्रेष्ठले पुस्तकले नेपालको भविष्य निर्माणको लागि नयाँ आायम थप्ने बताउनु भयो ।

डा. भेषबहादुर थापापुस्तक लोकर्पण

प्रकाशित मिति: बुधबार, मंसिर ६, २०८०, ९:०९ बिहान

लेखक: समाचारपाटी