काठमाडौं । भारतीय विदेश सचिव विक्रम मिश्री दुईदिने भ्रमणका लागि आज काठमाडौं आइपुगेका छन् । मीश्रीलाई स्वागत गर्न परराष्ट्र सचिव सेवा लम्साल आफैं त्रिभुवन अन्तर्राष्ट्रिय विमानस्थलमा पुग्नुभएकाे थियाे । मीश्री लम्सालकै निमन्त्रणामा नेपाल आउनुभएकाे हाे ।

नेपालमा कांग्रेस -एमालेको गठबन्धन सरकार बनेपछि भारतको यो नै पहिलो उच्चस्तरीय भ्रमण हो । विदेश सचिव बने लगत्तै मिश्रीले पहिलो भ्रमण भने भुटानमा गर्नुभएकाे थियाे ।

नेपाल भ्रमणका क्रममा उहाँले नेपाल-भारतको सम्बन्ध विस्तार र द्विपक्षीय सहमतिका विविध विषयमा छलफल गर्ने परराष्ट्र मन्त्रालयले जनाएको छ । विदेश सचिव मिश्री २८ साउनमा भारत फर्किने कार्यक्रम छ ।

भ्रमणविक्रम मिश्रीसचिव सेवा लम्साल

प्रकाशित मिति: आइतवार, साउन २७, २०८१, १:२९ बेलुका

लेखक: समाचारपाटी