इटहरी । प्रदेश १ मा बृहत् रुपमा पहिलोपटक आयोजना हुने तयारिमा रहेको ‘फ्लायर्स फिल्म अवार्डस् २०७९’ आउदो चैत्र २५ गते बिराटनगर अवस्थित जैन भवनमा हुने भएको छ । बिराटनगरमा मंगलबार पत्रकार सम्मेलन गर्दै आयोजकले नयाँ मिति सार्बजनिक गरेको हो । ओजस फिल्मस् एण्ड इन्टरटेन्मेन्टले साइमन फिल्मस्, मुम्बइको डिजाइनमा आयोजना आयोजना गर्ने यो अवार्ड समारोहको यो दोस्रो पटक मिति सार्बजनिक गरिएको हो । यसअघि स्थानिय तह निर्वाचनका कारण अवार्ड समारोह पछाडि धकेलिएको थियो ।

अब भने सम्पूर्ण तयारी पूरा भैसकेको पत्रकार सम्मेलनमा अवार्डका परिकल्पनाकार तथा निर्देशक साईमन राजबंशीले जानकारी गराउनुभयाे । बिराटनगरमा पुरै तामझाम सहित गरिने अवार्ड शोको नोमिनेसन क्याटोगरी भिडियो यसअघि नै सार्बजनिक गरिसकिएको छ भने अहिले फिल्महरु दर्ता हुने र जुरिहरुबाट नोमिनेसन गर्ने कार्यहरु भैरहेको छ । यस्तै आयोजक टिमका अनुसार प्रदेश १ मा रहेका डान्सरहरुलाई नि:शुल्क कोरियोग्राफी गरेर अवार्ड समारोहमा प्रस्तुती दिने मौका समेत उपलब्ध गराउने भएको छ ।

अवार्डलाई मर्यादित र चुस्त दुरुस्तका साथै विवादरहित बनाउन कुनै पनि अवार्डको रेट नतोकिने साईमनले ठोकुवा गर्नुभयाे । अवार्डको जुरीहरुलाई भने गोप्य राखिएको छ । साईमनले भन्नुभयाे,‘फिल्म हेरेर जुरीले जे निर्णय गर्नुहुन्छ, त्यही नै अन्तिम निर्णय हुनेछ । आयोजकको कुनै हस्तक्षेप रहने छैन ।’ अवार्ड समारोहबाट बेस्ट हिरो, बेस्ट हिरोइन, बेस्ट डिरेक्टर, बेस्ट म्युजिक डिरेक्टर, बेस्ट एक्सन डिरेक्टर, बेस्ट कोरियोग्राफर, बेस्ट प्लेब्याक सिंगर मेल, बेस्ट प्लेब्याक सिंगर फिमेल, बेस्ट कोमिक रोल मेल, बेस्ट सिनेमाटोग्राफी, बेस्ट डेब्यु मेल हिरो, बेस्ट डेब्यु फिमेल हिरोईन, बेस्ट सपोर्टिङ एक्टर मेल, बेस्ट सपोर्टिङ एक्टर फिमेल, बेस्ट इन नेगेटिभ रोल, बेस्ट स्टोरी, बेस्ट स्कृनप्ले, बेस्ट लिरिक्स, बेस्ट मुभी अफ द ईयर, लाईफ टाइम अचिभ्मेन्ट अवार्ड, पब्लिक च्वाइस बेस्ट हिरो अवार्ड, पब्लिक च्वाइस बेस्ट हिरोईन अवार्ड र जुरि अवार्ड गरि २३ विधामा अवार्ड वितरण गरिने भएको छ ।

आयोजकका अनुसार २०७६, २०७७ र २०७८ सालमा प्रदर्शन भएका नेपालि चलचित्रहरुलाई यो अवार्ड कार्यक्रममा निशुल्क दर्ता गरिदैछ । मोफसलमा समेत नेपाली फिल्मको बिकास, बिस्तार र उन्नतीको लक्ष्य लिएर पहिलो संस्करण बिराटनगरमा आयोजना गर्न लागीएको साइमनको भनाई छ । उहाँले भन्नुभयाे, ‘बिराटनगरजस्तो ठूलो शहरमा समेत नेपाली फिल्मको बजार उच्च छैन । कतिपय राष्ट्रियस्तरका कलाकारलाई समेत दर्शकले चिन्दैनन् । त्यसैले यो अवार्डले नेपाली फिल्म तथा कलाकारप्रति दर्शकको अभिरुचि बढाउने बिश्वास लिएका छौ ।’ कोरियोग्राफरका रुपमा परिचीत साइमनले अवार्ड कार्यक्रम निकै भब्य हुने दावी गर्नुभयाे । उहाँले भन्नुभयाे,‘मैले केही बर्ष मुम्बइमा काम गरेको अनुभव र त्यहाँको साइमन फिल्मस्को डिजाइनअनुरुप भब्यताका साथ कार्यक्रम गर्ने योजना छ ।’

अवार्ड समारोह समितीको अध्यक्षमा चन्द्र प्रसाद राजबंशी ‘सिपि’, म्यानेजिङ डिरेक्टरमा हरि सिवाकोटी, निर्देशकमा साईमन राजबंशी, इभेन्ट मार्केटिङ हेडमा गुणराज गिरि, सल्लाहकारमा विवेक न्यौपाने, कार्यक्रम संयोजकमा आशिमा दुतराज, सञ्जु सापकोटा र रविना राजबंशी, ब्यबस्थापनमा बिमल धमला र कलाकार संयोजनमा आइपी आचार्य रहनुभएकाे छ । प्रदेश १ का प्रमुख सबै जातजातीको मौलिक संस्कृति, भेषभूषा, संस्कार तथा पहिचान झल्काउने बिभिन्न गीत तथा नृत्य २ सय बढी कलाकारद्धारा प्रस्तुत गरिने आयोजक संस्थाले जनाएको छ । साइमन स्वयम र नरेशबीर सिंहको कोरियोग्राफी रहेको कार्यक्रमका लागि काठमाडौंबाट थुप्रै कलाकार लगिनेछ । अवार्ड समारोहमा राष्ट्रियस्तरका फिल्मकर्मीहरुको जम्बो टोलि ल्याउनलाई भेटघाट गरिरहेका छन् ।

अवार्ड वितरणफ्लायर्स फिल्म अवार्डस्

प्रकाशित मिति: बिहिबार, फाल्गुन ४, २०७९, ८:४६ बिहान

लेखक: समाचारपाटी