अर्थसचिव डा.कृष्णहरी पुस्करले बजेट विनियोजनको प्राथमिकतालाई पुनःसंरचना गरी विकासको दिशा नै सच्याउन आवश्यक रहेको बताउनुभएको छ । 

बिहीवार प्रतिनिधि सभा अन्तर्गतको सार्वजनिक लेखा समिति बैठकमा बोल्दै सचिव पुस्करले यस्तो बताउनुभएको हो । उहाँले विगतका बजेट निर्माण गर्दा मुलुकको आवश्यकता र प्राथमिकता भन्दा बाहिर बजेट विनियोजन गर्दा समग्र विकासका परिदृश्यहरु अफ्ठ्यारोमा परेको दाबी गर्नुभयो । उहाँले विगतका बजेटमा कष्ट बेनिफिटको विश्लेषण नगरी प्राथमिक क्षेत्र निर्धारण गर्दा अहिले समस्या भइरहेको बताउनु भयो । उहाँले बजेट प्राथमिकताको पुनःसंरचना गरेर विकासको दिशा नै करेक्शन गरी आवश्यक क्षेत्रमा बजेट व्यवस्थापन अहिलेको आवश्यकता रहेको बताउनु भयो । उहाँले राजमार्गमा कति रकम छुट्याउने विषय भौतिक मन्त्रालयकै जिम्मामा रहेको भन्दै आगामी आर्थिक वर्षको बजेटमा भौतिक मन्त्रालयले भनेका आयोजनाहरुमा स्रोत सुनिश्चिता अर्थ मन्त्रालयले गरिसकेको बताउनु भयो । उहाँले अर्थ मन्त्रालयले मुलुकको क्षमता र उपलब्ध स्रोतका आधारमा स्रोत सुनिश्चिता गरेको भन्दैहुलाकी राजमार्गमा आवश्यकताअनुसार मात्रै स्रोत सुनिश्चिता गर्नसक्ने जिकिर गर्नुभयो । 
उहाँले भन्नुभयो,‘मुलुकको अर्थतन्त्रमा राजश्व परिचालनको चाप,सरकारको नियमित खर्च तलब भत्ता र सामाजिक सुरक्षा भत्ता बढ्दो अवस्थामा छ । त्यो बाहेक विश्वव्यापी अर्थतन्त्रका समस्याहरुको चाप नेपालको अर्थतन्त्रमा पनि परेको कारण अर्थतन्त्र पूर्णरुपमा तङ्ग्रि नसकेको र केही दबाब रहेको छ । तर गत वर्षको तुलनामा समग्र अर्थतन्त्र सबलिकरण भएको छ । अर्थ मन्त्रालय बजेटको सिलिङ आफैँ तोक्ने गर्दैन । राष्ट्रिय योजना आयोगका उपाध्यक्षको अध्यक्षमा रहेको समितिले तोकेको सिलिङको आधारमा अर्थ मन्त्रालयले काम गर्दछ । बजेट निर्माण गर्दा कष्ट बेनिफिटको विश्लेषण गर्न नसक्दा सहि प्राथमिकता भन्दा पनि फरक प्राथमिकताको कारण समग्र विकासका परिदृश्यहरु अफ्ठ्यारोमा परिरहेको अवस्था छ । त्यसलाई पुनःसंरचना गर्नुपर्ने विकासको दिशा नै करेक्शन गरी आवश्यक क्षेत्रमा बजेट व्यवस्थापन गर्नुपर्ने आवश्यकता छ । कुन सडकमा कति रकम छुट्याउने विषय भौतिक मन्त्रालयकै जिम्मामा रहेको छ । आगामी आर्थिक वर्षको बजेटमा भौतिक मन्त्रालयले भनेका आयोजनाहरुमा स्रोत सुनिश्चिता गरेका छौं । अर्थमन्त्रालय मुलुकको क्षमता र उपलब्ध स्रोत सुनिश्चिता गरेको छ । हुलाकी राजमार्गमा आवश्यकताअनुसार मात्रै स्रोत सुनिश्चिता गर्नसक्छ  ।’

उहाँले कारको नियमित खर्च तलब भत्ता र सामाजिक सुरक्षा भत्ताको दायित्व वृद्धि हुँदा मुलुकको अर्थतन्त्र दबाबमा रहेको बताउनु भयो । उहाँले राजश्व परिचालनमा पनि सरकार चापमा रहेको स्वीकार गर्नुभयो । उहाँले विश्वव्यापी अर्थतन्त्रका समस्याहरुको चाप नेपालको अर्थतन्त्रमा पनि परेको कारण अर्थतन्त्र पूर्णरुपमा तङ्ग्रि नसकेको उल्लेख गर्नुभयो । गत वर्षको तुलनामा समग्र अर्थतन्त्र सबलिकरण भएको उल्लेख गर्नुभयो ।

—न्युज एजेन्सी नेपाल

अर्थसचिव डा.कृष्णहरी पुस्करबजेट विनियोजन

प्रकाशित मिति: शुक्रबार, चैत्र २३, २०८०, ९:१५ बिहान

लेखक: समाचारपाटी