बेसिशहर, लमजुङ । त्रिवेणी युवा क्लब बेसिशहरले आफ्नो ३२औँ त्रिवेणी कपको पूर्वसन्ध्यामा आयोजना गरेको पत्रकार सम्मेलनमा गण्डकी प्रदेश सरकारका वन तथा वातावरण मन्त्री माननीय भेष बहादुर पौडेललाई सम्मान गरेको छ। मन्त्री पौडेलले क्लबको उन्नति, प्रगति र त्रिवेणी कपको पूर्ण सफलताको शुभकामना व्यक्त गर्दै आफ्नो सम्बोधन गर्नुभएको थियो।

मन्त्री पौडेल, जो क्लबका संस्थापक कोषाध्यक्ष र पूर्व अध्यक्ष हुनुहुन्छ, साथै १६औँ त्रिवेणी कपसम्म संयोजकको भूमिका निर्वाह गर्नुभएको थियो, उहाँले आफ्नो जीवनको सफलतामा क्लबको ठूलो योगदान रहेको बताउँदै सहजी स्थीत त्रिवेणी रंगशालाको निर्माणका लागि आफूले आफ्नो क्षेत्रबाट हुन सक्ने सम्पूर्ण आवश्यक सहयोग गर्ने प्रतिवद्धता व्यक्त गर्नुभयो।

क्लबका अध्यक्ष राजकुमार घिमिरेको सभापतित्वमा सम्पन्न उक्त कार्यक्रममा मन्त्री पौडेल प्रमुख अतिथिका रूपमा रहनुभएको थियो। कार्यक्रममा क्लबका पूर्व अध्यक्ष लोकेन्द्र जंग गुरुङ, उपाध्यक्ष तथा बेसिशहर वडा नं। ९ का अध्यक्ष खुसी जंग गुरुङ, उपाध्यक्ष टेक जंग गुरुङ, पत्रकार महासंघ लमजुङका उपाध्यक्ष अनुज अधिकारी, र क्लबका कोषाध्यक्ष प्रकाश घले लगायतको उपस्थिति रहेको थियो।

कार्यक्रमको सञ्चालन क्लबका सचिव प्रवीण वाग्लेले गर्नुभएको थियो। क्लबले ३२औँ त्रिवेणी कपलाई ऐतिहासिक बनाउन सबैको साथ र सहयोगको अपेक्षा राखेको छ।

त्रिवेणी युवा क्लब बेसिशहरभेष बहादुर पौडेल

प्रकाशित मिति: शनिबार, मंसिर १५, २०८१, २:४१ बेलुका

लेखक: समाचारपाटी