काठमाडौं । इन्जिनियरिङ अध्ययन संस्थानले भर्नाका लागि लाने प्रवेश परीक्षा स्थगित भएको छ । डीन कार्यालयका शाखा अधिकृत निरजकुमार वैद्यले अर्को सूचना नआएसम्म परीक्षा स्थगित भएको सूचना सार्वजनिक गर्नुभएकाे छ ।

शाखा अधिकृत वैद्यले सूचनामा प्रवेश परीक्षा बोर्ड पदाधिकारीहरुले संयुक्त राजीनामा दिएको कारण इन्जिनियरिङ अध्ययन संस्थान डीन कार्यालयको १६ गतेको निर्णय अनुसार अर्को सूचना प्रकाशित नभएसम्म स्थगन गरेको जनाएका छन् ।

उहाँले प्रवेश परीक्षाका नयाँ कार्यक्रम सम्बन्धी सूचनाहरु प्रवेश परीक्षा बोर्डको वेबसाइटमार्फत जानकारी गराउने उल्लेख गर्नुभएकाे छ ।

इन्जिनियरिङ अध्ययनप्रवेश परीक्षा

प्रकाशित मिति: बुधबार, अशोज १७, २०८०, ३:४४ बेलुका

लेखक: समाचारपाटी