इजिप्टका राष्ट्रपति अब्देल–फताह अल–सिसी र उनका प्यालेस्टाइन समकक्ष महमूद अब्बासले सोमवार प्यालेस्टाइन क्षेत्रको वर्तमान अवस्था र गाजापट्टीमा चलिरहेको द्वन्द्वबारे छलफल गरेका छन् । इजिप्टको राजधानी कायरोमा भएको भेटमा अब्बासले गाजापट्टीमा इजरायली सैन्य कारबाही र समुन्द्री किनारमा गरेको आक्रमणको पछिल्लो घटनाक्रमको समीक्षा गर्नुभयो । साथै अब्बासले वेस्ट बैंकमा इजरायली वृद्धि र हिंसाको बारेमा पनि छलफल गर्नुभएको छ ।

सिसीले युद्धविराम र गाजामा पर्याप्त मात्रामा मानवीय सहायताको लागि अपिल गर्नुभयो । प्यालेस्टिनी गुटले दक्षिणी इजरायलमा हमला गरेपछि इजरायलले गाजापट्टीमा अक्टोबर ७, २०२३ देखि आक्रमण गरिरहेको छ । जसमा करिव १ हजार २ सय इजरायली नागरिकको ज्यान गएको छ । इजरायली सेनाले हालसम्म २३ हजार भन्दा बढी प्यालेस्टिनीहरूलाई एन्क्लेभमा आफ्नो सैन्य कारबाहीमा मारेको छ । 
सिन्ह्वा

इजिप्टगाजा द्वन्द्व

प्रकाशित मिति: मङ्लबार, पुस २४, २०८०, २:४९ बेलुका

लेखक: समाचारपाटी