इजिप्टका राष्ट्रपति अब्देल–फताह अल–सिसीले युद्धग्रस्त गाजापट्टीमा युद्धविराम गर्न र नागरिकहरूको सुरक्षा गर्न आग्रह गर्नुभएको छ । इजिप्टको राष्ट्रपति कार्यालयकाअनुसार अमेरिकाको केन्द्रिय गुप्तचर एजेन्सी (सीआईए) का भ्रमणमा रहेका निर्देशक विलियम बन्र्स र कतारी प्रधानमन्त्री तथा विदेशमन्त्री शेख मोहम्मद बिन अब्दुलरहमान बिन जसिम अल थानीसँगको दुई छुट्टाछुट्टै भेटमा सिसीले उक्त टिप्पणी गर्नुभएको हो ।

बैठकको क्रममा बन्र्सले  गाजापट्टीमा शान्ति कायम गर्न, युद्धविराममा पुग्न र इजरायली बन्धकहरूको रिहाइ सुरक्षित गर्न इजिप्टको अथक प्रयासको लागि प्रशंसा व्यक्त गर्नुभयो । दुवै पक्ष युद्धविराम, नागरिकको सुरक्षा र दुई राज्य समाधानलाई प्रभावकारी बनाउन परामर्श र समन्वय कायम गर्न सहमत भएका छन् । कतारी प्रधानमन्त्री र इजिप्टका राष्ट्रपति बीचको बैठकमा, दुवै पक्षले दक्षिणी गाजा पट्टीको रफाहमा आक्रमण वृद्धिको खतराको चेतावनी दिए । यसले मानवीय प्रकोपलाई बढावा दिने बताए ।
सिन्ह्वा

अब्देल–फताह अल–सिसीइजिप्ट

प्रकाशित मिति: बुधबार, फाल्गुन २, २०८०, ५:४२ बेलुका

लेखक: समाचारपाटी