इजिप्टका विदेशमन्त्री बद्र अब्देलाट्टीले मंगलवार इजिप्टको नयाँ प्रशासनिक राजधानीमा हुने गाजामा आपतकालीन अरब शिखर सम्मेलन अगाडि प्यालेस्टाइन, जोर्डन, ट्युनिसिया, बहराइन, मौरिटानिया, यमन र इराकका आफ्ना समकक्षीहरूसँग कायरोमा द्विपक्षीय भेट गर्नुभएको छ । इजिप्टको विदेश मन्त्रालयले जारी गरेको विज्ञप्तिअनुसार बैठकहरू प्यालेस्टिनीहरूलाई आफ्नो मातृभूमिबाट विस्थापित गर्ने कुनैपनि प्रयास विरुद्ध एकतावद्ध अरब अडानलाई सुदृढ पार्ने र युद्धग्रस्त गाजा पट्टीको द्रुत पुनर्निर्माणलाई प्राथमिकता दिने कुरामा केन्द्रित थिए । छलफलहरूले युद्धविराम सम्झौतालाई तीन चरणमा कार्यान्वयन गर्ने महत्वलाई जोड दिएको छ । जसमा मानवीय सहायताको वितरण र भग्नावशेष हटाउने र पूर्वाधार पुनर्निर्माण जस्ता प्रारम्भिक पुनर्लाभ प्रयासहरूको तत्काल सुरुवात समावेश छ । अरब विदेशमन्त्रीहरूले युद्धविराम सम्झौताको पूर्ण कार्यान्वयनको ग्यारेन्टी गर्न एकीकृत क्षेत्रीय र अन्तर्राष्ट्रिय कार्यको आवश्यकतामा जोड दिए । 
सिन्ह्वा

इजिप्टविदेशमन्त्री बद्र अब्देलाट्टी

प्रकाशित मिति: मङ्लबार, फाल्गुन २०, २०८१, १:५५ बेलुका

लेखक: समाचारपाटी