इजिप्टका राष्ट्रपति अब्देल–फताह अल–सिसी र जोर्डनका युवराज अल हुसेन बिन अब्दुल्लाह द्वितीयले प्यालेस्टिनीहरूलाई उनीहरूको भूमिबाट विस्थापित नगरी गाजा पट्टीको पुनर्निर्माण तुरुन्तै शुरु गर्नुपर्ने आवश्यकतामा जोड दिनुभएको छ । इजिप्टको राजधानी कायरोमा भएको बैठकमा दुई नेताहरूले जुन ४, १९६७ को सीमानामा पूर्वी जेरुसेलमलाई राजधानी बनाएर स्वतन्त्र प्यालेस्टिनी राज्यको स्थापना नै मध्य पूर्वमा दिगो शान्ति र स्थिरता प्राप्त गर्ने एक मात्र ग्यारेन्टी रहेको दोहो¥याउनु भयो । जोर्डनका युवराजले गाजाको पुनर्निर्माण योजना विकास गर्ने इजिप्टको प्रयासलाई आफ्नो देशको समर्थन पुष्टि गर्नुभयो । सिसी र युवराजले पश्चिम किनारमा जारी बढ्दो वृद्धि र जेरुसेलममा इस्लामिक र ईसाई पवित्र स्थलहरूमा आक्रमणको खतराहरू विरुद्ध चेतावनी दिनुभयो । बैठकमा सिरियाको अवस्थाबारे पनि छलफल भएको र जसमा दुवै देशले सिरियाको एकता, स्थिरता र क्षेत्रीय अखण्डताप्रति आफ्नो प्रतिबद्धतामा जोड दिनुभयो । 
सिन्ह्वा

प्रकाशित मिति: मङ्लबार, फाल्गुन ६, २०८१, २:२५ बेलुका

लेखक: समाचारपाटी