इजिप्टका राष्ट्रपति अब्देल–फत्ताह अल–सिसी र कतारी प्रधानमन्त्री तथा विदेशमन्त्री शेख मोहम्मद बिन अब्दुलरहमान बिन जसिम अल थानीले कायरोमा गाजा पट्टीमा युद्धविरामका लागि संयुक्त प्रयासका लागि छलफल गर्न वार्ता गर्नुभएको छ । बैठकमा उहाँहरूले बन्धक र बन्दीहरूलाई रिहा गर्ने प्रयासका साथै गाजा पट्टीमा राहत सहायता पुर्याउने विषयमा पनि छलफल गर्नुभएको थियो । प्यालेस्टिनी जनतालाई समर्थन गर्न र अन्तर्राष्ट्रिय वैधानिकता प्रश्तावहरू बमोजिम स्वतन्त्र, सार्वभौम राज्य स्थापना गर्न र प्यालेस्टाइनको राष्ट्रिय हितको रक्षा गर्न साथै उनीहरूको वैधानिक अधिकारको संरक्षण गर्न ठोस प्रयासको महत्वमा छलफलमा जोड दिइएको छ । प्यालेस्टिनी जनताको पीडा कम गर्न आवश्यक मानवीय सहयोग उपलब्ध गराउन गम्भीर कदम चाल्न पनि आग्रह गर्नुभएको छ । कतारी प्रधानमन्त्रीले गाजाका जनतालाई मानवीय सहायता उपलब्ध गराउन इजिप्टको निरन्तर प्रयासको लागि आफ्नो देशको प्रशंसा व्यक्त गर्नुभयो । 
सिन्ह्वा

इजिप्ट

प्रकाशित मिति: बिहिबार, मंसिर १३, २०८१, १२:५८ बेलुका

लेखक: समाचारपाटी