काठमाडौं । आगामी आर्थिक वर्षको बजेट राष्ट्रिय सभाबाट बहुमतले पारित भएको छ । 
बिहीवार बसेको राष्ट्रिय सभाको बैठकले प्रतिनिधि सभाबाट सन्देशसहित प्राप्त विनियोजन विधेयक, २०८० बहुमतले पारित गरेको हो ।

विनियोजित विधेयकसँगै राष्ट्र ऋण उठाउने विधेयक, २०८० पनि राष्ट्रिय सभाबाट बहुमतले पारित भएको हो । राष्ट्रिय सभाबाट बजेट पारित भएसँगै सरकारले प्रश्तुत गरेको आर्थिक वर्ष २०८०/८१ को राजश्व र व्ययको वार्षिक अनुमान (बजेट) संघीय संसदका दुवै सदनबाट पारित भएको छ । 

बैठकमा अर्थमन्त्री डा. प्रकाशशरण महतले प्रतिनिधिसभाबाट सन्देशसहित प्राप्त ‘विनियोजन विधेयक, २०८० लाई पारित गरियोस्’ भन्ने प्रश्ताव प्रश्तुत गर्नुभएको थियो । त्यसअघि विनियोजन विधेयक, २०८० अन्तर्गत विभिन्न शिर्षकमा प्रश्तुत खर्च कटौतीको प्रश्ताव बहुमतले अस्वीकृत भएको थियो । 

डा. प्रकाशशरण महत

प्रकाशित मिति: बिहिबार, असार २८, २०८०, ७:०९ बेलुका

लेखक: समाचारपाटी