अमेरिकी कंग्रेसले सोमवार आधिकारिक रूपमा डोनाल्ड ट्रम्पलाई २०२४ को राष्ट्रपति चुनावको विजेताको रूपमा पुष्टि गरेको छ । अमेरिकी प्रतिनिधि सभा र सिनेटले राष्ट्रपति–निर्वाचित डोनाल्ड ट्रम्पको चुनाव प्रमाणित गर्न दिउँसो एक संयुक्त सत्रमा बोलाएका थिए । अमेरिकी कंग्रेसको अधिवेशनको अध्यक्षता वर्तमान उपराष्ट्रपति कमला ह्यारिसले गर्नुभएको थियो । उहाँ चुनावमा ट्रम्पसँग पराजित भएकी डेमोक्र्याटिक उम्मेदवार हुनुहुन्छ । ह्यारिसले प्रत्येक राज्य र कोलम्बिया जिल्लाबाट निर्वाचक मत परिणामहरू प्रश्तुत गर्नुभयो । इलेक्टोरल भोटको अन्तिम ट्यालीले ट्रम्पले ३१२ इलेक्टोरल भोट प्राप्त गरेको देखाएको छ । जसले राष्ट्रपति पद जित्न आवश्यक २७० मत प्राप्त गर्नुभएको छ । ह्यारिसले २२६ मत प्राप्त गर्नुभएको थियो । राष्ट्रपति निर्वाचित डोनाल्ड ट्रम्पले जनवरी २० मा राष्ट्रको ४७ औं राष्ट्रपतिको रूपमा औपचारिक रूपमा आफ्नो दोस्रो कार्यकालको शुरुवात गर्दै हुनुहुन्छ । 
सिन्ह्वा

अमेरिकी कंग्रेसडोनाल्ड ट्रम्प

प्रकाशित मिति: मङ्लबार, पुस २३, २०८१, ३:५१ बेलुका

लेखक: समाचारपाटी