काठमाडौं । डोलेश्वर बहूद्देशीय सहकारी संस्थाको छैठौ वार्षिक साधारण सभा सहकारीकै लगानीमा  रहेको Dmpc Agro
Farm & Organic Resort मा शनिवार पौष ३० गते सम्पन्न भएको थियाे।  कोटेश्वर, ३२ काठमाडौंमा रहेको सहकारी
संस्थाको  छैठौ वार्षिक साधारण सभामा  संस्थाका अध्यक्ष शिवलाल पौडेलको सभापतित्व तथा ललितपुर वडा नम्बर २८
हरिसिद्दिका  वडा अध्यक्ष तथा सहकारी विज्ञ विरेन्द्र महर्जनको प्रमुख आतिथ्यमा सभा सम्पन्न भएको हो।

उक्त   साधारण सभामा अतिथिका रुपमा रेडियो नेपाल प्रवक्ता हरिशरण लामिछाने, नेपाल सरकारका सचिव बिनोद
केसी, नेपाल वायु उर्जाका अध्यक्ष सुधिर कुमार यादव तथा सहकारी अभियन्ता रामहरी धितालको उपस्थिति रहेको
थियो।  कार्यालय प्रमुख दिपक केसीले कार्यक्रम संचालन गर्नुभएकाे थियाे। कर्मचारी विन्दु आचार्यले स्वागत मन्तव्य राख्नुभएकाे
थियाे भने रेडियो नेपाल प्रवक्ता हरिशरण लामिछानेले शुभकामना मन्तव्य राख्नुभएकाे थियाे। कार्यक्रममा सुझाव सल्लाह
सहितको मन्तव्य नेपाल सरकारका सचिव बिनोद केसीले राखेका थिए भने यसोधा कार्कीले आफ्नो अनुभुव सुनाउनुभएकाे
थियाे।

सभामा आर्थिक वर्ष ७८र७९ को संचालक समितिको प्रतिवेदन संस्थाका कोसाध्यक्ष  सुजन खड्काले प्रस्तुत गर्नुभएकाे थियाे।
संस्थाको उक्त आर्थिक वर्षसम्ममा ४,७५, ८८,५०० रुपैया शेयर पूँजी तथा ५३,४५, ५२,३००  वचत संकलन गरेको जानकारी दिनुभयाे।  त्यसैगरी संस्थाले ४१, ३२, १९, ८२१ ऋण लगानी रहेको जानकारी दिनुभयाे। कार्यक्रममा प्रमुख अतिथि
विरेन्द्र महर्जनले समेत आफ्नो शुभकामना मन्तव्य राख्नुभएकाे थियाे। उक्त कार्यक्रममा शेयर धनिहरुलाई विभिन्न सम्मान
समेत प्रदान गरिएको थियो।  साथै साधारण सभा मार्फत १५ ५ का दरले शेयर धनिलाई लाभांश दिने जानकारी
गराइएको थियो। अध्यक्ष शिवलाल पौडेलले शुभकामना संगै समापनको मन्तव्य राख्नुभएकाे थियाे।

साधारण सभा

प्रकाशित मिति: मङ्लबार, माघ ३, २०७९, १०:३० बिहान

लेखक: समाचारपाटी