जिल्ला कास्की पोखरा महानगरपालिका वडा नं ६ लेकसाईड स्थित हल्लनचोक एरियामा पर्यकटहरुलाई दु:ख हैरानी दिने ६ जना व्यक्ति पक्राउ परेका छन ।

लेकसाईड स्थित हल्लनचोक एरियामा पर्यकटहरुलाई दु:ख हैरानी दिने अशान्ति मच्चाउने जस्ता कार्यहरु भई रहेको छ भन्ने सूचनाको आधारमा जिल्ला प्रहरी कार्यालय कास्कीबाट खटिएका प्रहरी टोलीले जना व्यक्ति पक्राउ गरेकाे हाे ।

लेकसाईड स्थित हल्लनचोक एरियामा पर्यकटहरुलाई बाटो छेक्ने, पर्यकटहरुको व्याग तान्ने, होटल मिलाईदिन्छौ भनी पैसाको बार्गेनिङ गर्ने तथा सार्वजनिक स्थानमा होहल्ला गरी अशान्ति मच्चाउने जस्ता कार्यहरु गरेकाे जिल्ला प्रहरी कार्यालय कास्कीले जनाएकाे छ ।

पक्राउ पर्ने व्यक्ति जिल्ला कास्की पोखरा महानगरपालिका वडा नं. ६ लेकसाईड बस्ने वर्ष २२ को सुदिप अर्याल ,पोखरा महानगरपालिका लेकसाईड बस्ने वर्ष २६ को संदिप गिरी , पोखरा महानगरपालिका लेकसाईड बस्ने वर्ष १९ को सुमन शर्मा ,लेकसाईड बस्ने वर्ष २० को नेत्र बहादुर प्रधान ,लेकसाईड बस्ने वर्ष २३ को सुशिल महतो ,लेकसाईड बस्ने वर्ष २६ को राजन पौडेल रहेका छन ।

उनिहरूलाई माघ १६ गते पक्राउ गरी सार्वजनिक हित, स्वास्थ्य, सुरक्षा, सुविधा र नैतिकता बिरुद्धको कसूर अन्तर्गत अभद्र व्यवहार गर्न नहुने मुद्दामा सात दिन म्याद थप गरी अनुसन्धान प्रकृया अगाडी बढाएको जिल्ला प्रहरी कार्यालय कास्कीले जनाएकाे हाे ।

पोखरा महानगरपालिकालेकसाईड

प्रकाशित मिति: बिहिबार, माघ १८, २०८०, १०:०५ बिहान

लेखक: समाचारपाटी