पोखरा । जिल्ला समन्वय समिती कास्कीका प्रमुख लिलाधर पौडेलले मानसिक रोगबाट पिडितहरूको राज्यले नि:शुल्क उपचारको प्रबन्ध गर्नुपर्ने भन्दै त्यसका लागि आफ्नो निकायको तर्फबाट समन्वय गर्ने बताउनुभएकाे छ । पौडेलले प्रकृतिमैत्री बिकासको अभावमा बढ्दो बातावरणीय प्रदुषण ,आहार बिहार लगायतका कारण देशमा उल्लेख रूपमा मानसिक रोगिहरूको संख्या बढेकोमा चिन्ता व्यक्त गर्दै सो रोगको समयमा निदान नहुदा पारिवारिक र सामाजिक जिवन नै प्रभावित भएको बताउनुभयाे । पौडेलले स्वस्थ नागरिक बिना देश बिकास संम्भव नहुने हुँदा स्वास्थ सेवालाइ आधारभुत आवश्यकताको रूपमा ब्यस्था गर्दै आफ्ना नीति कार्यक्रम बनाउन सरकारलाई आग्रह गर्नुभयाे ।

प्रमुख पौडेलले सो कुरा बहुसाँस्कृतिक मनोसामाजिक संस्था TPO नेपालको जिल्ला परियोजना सल्लाहकार समितिको बैठकलाई सोमबार सम्बोधन गर्दै बताउनुभएकाे हाे । कास्कीका सरोकारवाला सरकारी तथा गैर सरकारी निकायका प्रमुख तथा प्रतिनिधिहरू सहभागी बैठकमा पौडेलले मानसिक समस्या एक जटिल समस्याको रूपमा आएको उल्लेख गर्दै कास्कीमा सो समस्याको उपचारका निम्ति सुबिधा सम्पन्न उपचार केन्द्रको स्थापना गर्ने कार्यक्रम समाबेश गर्न स्थानिय तह ,प्रदेश र संघीय सरकारलाई आग्रह गर्नुभयाे।

सो अवसरमा कास्कीका जिल्ला समन्वय अधिकारी नवराज बरालले स्वास्थ क्षेत्रमा काम गर्ने सरकारी र गैर सरकारी संस्थाहरूले महामारीको बेला मात्रै उपचारका उपाय खोज्ने प्रथाको अन्त्य हुने गरि काम गर्न आग्रह गर्नुभयाे। बरालले अनुदानमुखी कार्यक्रममा मात्रै भर नपरी स्वावलम्बी कार्यक्रममा जोड दिनुभयाे।

नि:शुल्क उपचारमानसिक रोग

प्रकाशित मिति: मङ्लबार, मंसिर २०, २०७९, ९:०६ बिहान

लेखक: समाचारपाटी