भारतस्थित बागेश्वर धामका आचार्य धीरेन्द्र कृष्ण शास्त्रीलाई पसुपतिनाथमा हजारौं भक्तहरुले भब्य स्वागत गरेका छन् भने डा. मिलन कुमार थापा र दीपक आचार्यले लेख्नु भएको पुस्तक ज्ञानशाला भाग २ को आचार्य शास्त्रीले बिमोचन गर्नु भएको छ ।

पशुपतिनाथ दर्शन गर्न पसुपतिनाथ पुग्नु भएका शास्त्रीलाई स्वागत गर्नको लागि आयोजित बिषेश समारोहमा शास्त्रीले पशुपति क्षेत्र विकास कोषका सदस्य सचिव डा. मिलन कुमार थापा र सीआईएनका व्यवस्थापक दीपक आचार्यले संयुक्तरुपमा अंग्रेजी भाषामा लेख्नु भएको २ सय ८८ पृष्ठको ज्ञानशाला भाग २ पुस्तकको विमोचन गर्नु भएको हो ।

उहाँले हिन्दु धर्म र आध्यात्मको बारेमा ज्ञान बाढ्नको लागि पुस्तक लेखन गर्ने, थापा र आचार्यको प्रशंसा गर्नुभयो साथै पुस्तकको उपसम्पादक सिमसन थापालाई पनि धन्यवाद् दिनुभयो । पुस्तकका केही पृष्ठ पढ्दै खेरी यो ज्ञानको खानि हो भन्ने लाग्यो अनौपचारिक छलफलमा शास्त्रीले बताउनुभयो ।

किङडम अफ द नलेज उप शिर्षक पनि दिएको पुस्तकले धार्मिक, सांस्कृतिक र आध्यात्मिक बिषयबस्तुलाई प्राथमिकता दिएको छ भने मठमन्दीर र चाडपर्वहरुको महत्वहरुलाई समेटेको छ । युवाहरुमा आध्यामिक जागरण ल्याउने, विश्वभरि नेपालको धार्मिक तथा पर्यटकिय क्षेत्र र संस्कृतीको प्रवद्र्धन गर्ने उदेश्यले अंग्रेजी भाषामा पुस्तक लेखेर प्रकाशन गरेको लेखकद्वय थापा र आचार्यको भनाई छ । विमोचनसँगै शास्त्रीले सवा करोड दिप प्रज्वलन गर्नुका साथै पशुपतिनाथ मन्दिर दर्शन गर्नु भएको थियो । शास्त्री चौधरी ग्रुपको निमन्त्रणामा नवलपरासीको शास्वत धाममा तीन दिने रामकथा वाचनको लागि नेपाल आउनु भएको हो ।

दिप प्रज्वलनधीरेन्द्र शास्त्रीपुस्तक विमोचन

प्रकाशित मिति: आइतवार, भदौ ३, २०८०, ९:२७ बिहान

लेखक: समाचारपाटी