उपसभामुख इन्दिरा रानाले प्रविधिमा महिलाको पहुँच पुग्न नसकेको बताउनुभएको छ । मंगलवार सिंहदरबारमा भएको एक कार्यक्रममा उहाँले प्रविधिमा महिलाको पहुँच पुर्याउने नारा लगाएपनि नाराअनुसार काम हुन नसकेको बताउनुभएको हो । उहाँले अहिले पनि विभिन्न वडा सदस्यहरुसँग एउटा मोबाइलको पहुँच नहुँदा सामान्य सूचनाहरुसमेत हेर्न र पढ्न नसक्ने अवस्था रहेको बताउनु भयो । उहाँले राज्यले हरेक वडा सदस्यहरुलाई एउटा बमोबाइल प्रदान गर्न आवश्यक रहेको बताउनु भयो । मोबाइलको प्रयोगले उनीहरुको क्षमता विकास हुने उहाँको भनाइ थियो । उहाँले निर्भिक भएर कलम चलाउने पत्रकारहरुको सुरक्षाका लागि सांसदहरुले बसह गर्न जरुरी रहेको बताउनु भयो । 

उहाँले भन्नुभयो, ‘हाम्रा कयौँ पत्रकार साथीहरुलाई मारिएको छ । उहाँहरुले एउटा शाहस लिएर बेथिति, भ्रष्टाचारको बिरोधमा ति कुराहरु लिन जाँदा उहाँहरु ज्यान जोखिममा राखेर अघि बढ्नुभएको छ । यो प्रजातन्त्र जुन हाम्रो देशमा आयो, त्यसमा पनि पत्रकार साथीहरुले विचारको क्रान्ति नगरेको भए हामीले त्यो कुनै रगतको खोला बगाउँदैमा यो प्रजातन्त्र आएको होइन । यो कुरा यहाँ मान्यज्युहरुले बुझ्नुपर्छ । उहाँहरुको कति भुमिका छ । म अब पत्रकार त होइन, तर पनि उहाँहरु जस्तो लेख्न म सक्दिन । हामी मिलेर काम गर्नुपर्छ । महिला सांसदहरुलाई जसरी अफ्ठ्यारो परेको छ, त्यसरी नै महिला पत्रकारहरुलाई पनि गाह्रो छ । कति जनाले ज्यान गुमाउनु परेको छ, कति जना ह्यारेसमेण्ट हुनुभएको छ । कति जना बलात्कार भएका छन् । हामी पत्रकार साथीहरुको अभिभावक हो नि । निर्भिक भएर कलम चलाउनेहरुको पनि सुरक्षाका लागि हामी अघि बढ्नुपर्छ । हामीले बहस गर्नुपर्छ । हामीले बजेट छुट्याउनुपर्छ राज्यबाट । महिला पत्रकार साथीहरुलाई जुन एउटा कानूनले दिएको छ र पनि त्यो कार्यान्वनय भएको छैन । महिलालाई लगानी गर्ने र सभ्य र समुन्नत समाज थालनी गर्ने भनेको छ, त्यसमा हामी आजैदेखि लाग्नुपर्छ । प्रविधिमा महिलाको पहुँच भनेको छ, कहाँ पुगेको छ पहुँच ? महिलाहरुमा । वडामा एक जना सदस्यको मोबाइल राम्रो छैन । त्यो अवस्थामा छौँ । उहाँहरुको तलव १० हजार हो । मैले त्यो १० हजार त पार्ट टाइम काम गर्ने दिदिलाई दिएको छु । त्यो अवस्था छ । खै त पहुँच पुगेको ? वडा सदस्यलाई एउटा मात्रै मोबाइल राज्यले दिने हो भने पनि उहाँहरुको क्षमता वृद्धि हुन्थ्यो ।’

उपसभामुख रानाले महिलाको हक अधिकारकारको सुनिश्तिता गर्न राज्यबाट आवश्यक बजेट छुट्याउनुपर्ने बताउनु भयो ।

—न्युज एजेन्सी नेपाल

उपसभामुख इन्दिरा रानामहिला पत्रकारमहिला सांसद

प्रकाशित मिति: बुधबार, फाल्गुन ३०, २०८०, १०:०३ बिहान

लेखक: समाचारपाटी