धरान । धरान उपमहानगरपालिकाका उपमेयर अइन्द्रबिक्रम बेघाको घर तोडफोड गर्ने ८ जनालाई प्रहरीले पक्राउ गरेको छ। मंगलबार बेलुका केही अराजक समुहले बेघाको घर तोडफोड गरेका थिए।

प्रहरीले उपमेयर बेघाका भाइ बिष्णु बेघासहित ८ जनालाई पक्राउ गरी नियन्त्रणमा लिएको सुनसरीका प्रहरी प्रमुख एसपी बिपिन रेग्मीले बताउनुभयाे। उपमेयरका भाइ बिष्णुको समुह र सन्देश राईको समूहबीच झडप भएको थियो। दुबैतर्फको झडपमा खुकुरी प्रहारबाट सन्देश राई गम्भीर घाइते हुनुभएकाे छ । शरीरका विभिन्न भागमा चोट लागेकाे उहाँको बीपी प्रतिस्ठानमा उपचार भैरहेको छ।

पक्राउ पर्नेमा सञ्जिव राई, सुरज तामाङ, मेनल तामाङ, राजकुमार लिम्बू, दिपेन्द्र राई, अमृत तामङ, अनिल राई रहेका एसपी रेग्मीले बताउनुभयाे। उपमेयर बेघाले आफ्नो घर आक्रमण गर्ने सबैलाई कडा कारवाही गर्न माग गर्नुभएकाे छ।

उहाँले घर तोडफोड गर्ना साथ धरान प्रहरीलाई जानकारी गराएको भए पनि समयमा प्रहरी नआएको गुनासो गर्नुभएकाे छ। घटनापश्चात् सुनसरी प्रहरी प्रमुख रेग्मी इनरुवाबाट धरान आएर प्रहरी परिचालन गरी आक्रमणकारीलाई पक्राउ गरेका थिए। प्रहरीले बेघाको घर आक्रमण गर्नेलाई सार्वजनिक भने गरेको छैन।

अइन्द्रबिक्रम बेघाउपमेयरतोडफोड

प्रकाशित मिति: बुधबार, भदौ २७, २०८०, ११:२० बिहान

लेखक: समाचारपाटी