हाल मनसुनको न्यून चापीय रेखा (Axis  of  the  Monsoon  Trough)   सरदर स्थानको दक्षिणतिर अवस्थित छ।साथै नेपालमा हाल  भारतको मध्य प्रदेश र आसपासको क्षेत्रमा रहेको न्यून चापीय प्रणालीको समेत आंशिक प्रभाव रहेको छ।

हाल लुम्बिनी,  कर्णाली र सुदूरपश्चिम प्रदेशमा सामान्य देखि पूर्णतया बदली रहि देशका बाँकी भूभागमा आंशिक देखि सामान्य बदली रहेको छ।  कोशी, बागमती, गण्डकी, लुम्बिनी  र कर्णाली प्रदेशका थोरै स्थानहरुमा हल्का वर्षा भइरहेको छ।

जल तथा मौसम विज्ञान विभाग,मौसम पूर्वानुमान महाशाखाकानुसार आज दिउँसो  देशभर  आंशिक  देखि  सामान्य  बदली  रहनेछ। कोशी, मधेश, बागमती र गण्डकी प्रदेशका केही  स्थानहरू तथा  बाँकी प्रदेशका थोरै स्थानमा मेघ गर्जन/चट्याङ्ग  सहित  हल्का देखि मध्यम वर्षाको सम्भावना रहेको छ ।

रातीमा  देशभर आंशिक देखि सामान्य बदली रहनेछ। कोशी,  मधेश,  बागमती,  गण्डकी  र  लुम्बिनी   प्रदेशका  थोरै र  बाँकी प्रदेशका एक दुई स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। साथै मधेश, बागमती, गण्डकी र लुम्बिनी  प्रदेशका एक दुई स्थानमा मेघ गर्जन/चट्याङ्ग सहित भारी वर्षाको समेत सम्भावना रहेको छ ।

मौसम पूर्वानुमान महाशाखाका

प्रकाशित मिति: मङ्लबार, भदौ २६, २०८०, ८:२३ बिहान

लेखक: समाचारपाटी