डडेल्धुरा । डडेल्धुराको परशुराम -१२ आमपानीमा १४ वर्षीया बालिकाको शव फेला परेको छ । मंगलबार घरबाट माछा मार्न खोला किनारमा निस्केकी अमृता राउटे मृत फेला परेकाे प्रहरीले जनाएकाे छ ।
अमृताको शव आम्पानी नजिक रङ्गुन नदी किनारमा भेटिएको इलाका प्रहरी कार्यालय जोगबुडाका प्रहरी निरीक्षक गङ्गा दत्त बडुले जानकारि दिनुभयाे । अमृताको मृत्युको कारण खुल्न सकेको छैन ।
शव पोष्टमार्टमका लागि जोगबुडा अस्पताल लैजाने तयारी भइ रहेके प्रहरी निरीक्षक बडुले जानकारी दिनुभयाे । घटनाको बारेमा थप अनुसन्धान अगाडि बढाइने उहाँले बताउनुभयाे ।
'हामी घटना स्थलमा छौँ , शव परीक्षणका लागि अस्पताल लगिने तयारी भइरहेको छ,' प्रहरी निरीक्षक बडुले भन्नुभयाे ।