पोखरा । पोखरामा एक जना साइकल यात्री सेती नदीमा खसेको छन् । बिहान बागमाराबाट पटनेरीतिर आउँदै गरेका साइकलयात्री पोखरा–२९ पटनेरीस्थित सेती नदीमा भक्तबहादुर राना पुलबाट खस्नुभएकाे हाे ।

जिल्ला प्रहरी कार्यालय कास्कीका प्रवक्ता डीएसपी श्रवणकुमार विककाअनुसार बागलुङ बडीगाड गाउँपालिका वडा नम्बर ४ घर भइ पोखरा–३३ बागमारा बस्ने राना बिहान पौने १० बजेतिर सेतीमा खस्नुभएकाे हाे ।

इलाका प्रहरी कार्यालय शिशुवाले अहिले उहाँको खोजी गरिरहेको छ । पोखरामा बिहानैदेखि झरी परिरहेको छ । राना सेतीमा खसेको जानकारी प्राप्त हुनासाथ खोजी कार्यका लागि प्रहरी खटाइएको र राना पुलबाट खस्नुभएकाे हाे या हाम फाल्नुभएकाे हाे भन्ने विषय पनि अनुसन्धानमै रहेको प्रवक्ता विकले जानकारी दिनुभयाे । पुलको छेऊमा चप्पल भेटिएको र भक्तबहादुर नै खसेको भनेर परिवारले नै पहिचान गरेको प्रहरीको भनाइ छ ।

साइकल यात्रीसेती नदी

प्रकाशित मिति: मङ्लबार, साउन २३, २०८०, १:१७ बेलुका

लेखक: समाचारपाटी