नेपालको धार्मिक तथा सांस्कृतिक सम्पदाका डिजिटल संरक्षण तथा प्रवद्र्धन अभिवृद्धिका लागि ‘सम्पदा एप’ को औपचारिक शुभारम्भ भएको छ । 

सूचना प्रविधि कम्पनी मसोभिसन टेक्नोलोजी प्रा. लि.ले काठमाडौंमा एक कार्यक्रम गरी ‘सम्पदा परियोजना’ को औपचारिक शुभारम्भ गरेको हो । कम्पनीले व्यवसायिक सामाजिक उत्तरदायित्व अन्तर्गत शुरु गरेको परियोजनाबाट समृद्ध साँस्कृतिक र धार्मिक धरोहारहरुको डिजिटल संरक्षण र प्रवद्र्धन हुने अपेक्षा गरिएको छ । यसबाट नेपालको ऐतिहासिक तथा संस्कृतिक वैभवको अन्तर्राष्ट्रिय क्षेत्रमा समेत थप पहिचान प्राप्त गर्ने अपेक्षा प्रा.लि.ले गरेको मेसोभिसन अध्यक्ष तथा प्रमुख कार्यकारी अधिकृत नारायण क्षेत्रीले बताउनु भयो । उहाँले नेपालको विकास बजेटको ठूलो हिस्सा भौतिक पूर्वाधार विकासका लागि विनियोजित हुँदा सम्पदाको संरक्षणको विषय सधैँ ओझेलमा पर्दै आएको बताउनु भयो । ऐतिहासिक तथा सांस्कृतिक रुपमा महत्वपूर्ण विषयलाई डिजिटल संरक्षणका लागि स्रोतको प्रभावकारी विनियोजन गरेर मेसोभिसन टेक्नोलोजीले अहिले देखिएको समस्यालाई समाधान गर्न खोजेको अध्यक्ष क्षेत्रीले बताउनु भयो । यसले सम्पदाको संरक्षण, डिजिटलाइजेसन र अभिलेखिकरण गर्ने प्रक्रियाको विधि निर्माण गर्ने र नेपालको सम्पदा, विश्वव्यापी डिजिटल पहुँच पुर्याउन मद्दत गर्ने बताउनु भयो । 
उहाँले भन्नुभयो, ‘नेपालको धार्मिक तथा संस्कृतिक सम्पदाको संरक्षण तथा प्रवद्र्धनका लागि हामी स्थानीय सरकार, स्थानीय÷सामुदायिक संघसंस्थाहरुको सहकार्यमा यो परियोजना सञ्चालित गर्छौं । जसका लागि कम्पनीले ‘कहाँ’ नामको एप सञ्चालनमा ल्याएको छ ।’

एपमा विभिन्न विशेषतालाई समावेश गरेको छ । यसमा राखिएको जानकारी आधिकारिक स्रोतबाट ल्याइने हुनाले विषयवस्तु विश्वनीय हुने प्रा.लि.को दाबी छ । यसमा नेपाली, अंग्रेजीसहित विभिन्न भाषाहरुमा सूचना उपलब्ध हुनेछ । प्रयोगकर्ताको सहजताका लागि शब्दलाई आवाजमा रुपान्तरण गर्नसक्ने गरी एप निर्माण गरिएको अध्यक्ष क्षेत्रीले बताउनु भयो । सम्पदाको फोटो, भिडियो र ३६० डिग्री भ्युको सुविधा प्रयोग गरेर श्रव्यको प्रयोग गरिएको छ । प्रयोगकर्ताले एपमा रहेको च्याट सुविधा प्रयोग गरेर स्थानीय समुदायसँग सम्बन्ध बनाउने र अन्तरक्रिया गर्नसक्ने पनि अध्यक्ष क्षेत्रीले बताउनु भयो । त्यसैगरी एपको लोकेसन शेयरिङ तथा नेभिगेसनबाट तथा सम्पदा क्षेत्र पत्ता लगाउन र पुग्न सकिनेछ ।

—न्युज एजेन्सी नेपाल

‘सम्पदा एप’सांस्कृतिक सम्पदा

प्रकाशित मिति: शनिबार, पुस २८, २०८०, ३:३५ बेलुका

लेखक: समाचारपाटी