काठमाडौं I नेपालको सांस्कृतिक सम्पदा र मौलिक पहिरनलाई विश्वमाझ उजागर गर्ने उद्देश्यका साथ पाटन दरबार स्क्वायरमा पहिलो पटक हेरिटेज रनवे सम्पन्न भएको छ। ऐतिहासिक र सांस्कृतिक धरोहरको संरक्षण र प्रवर्धनका लागि आयोजित यस कार्यक्रमलाई थप आकर्षक बनाउन, क्लासिक डायमण्ड ज्वेलर्स द्वारा निर्मित हिराका गहनामा सजिएका मोडलहरूले नेपालका परम्परागत पोसाकमा र्यामवाक गरेका थिए।

पाटन दरबार स्क्वायरको प्राङ्गणमा आयोजित यो विशेष कार्यक्रम नेपालको सांस्कृतिक र ऐतिहासिक सम्पदालाई विश्वमञ्चमा प्रस्तुत गर्ने एउटा नयाँ पहलको रूपमा देखिएको छ। नेपालका विभिन्न समुदायका मौलिक पहिरनहरू, आभूषणहरू, र स्थानीय कलालाई प्रस्तुत गरिएको यो रनवेले नेपालका विविधता र सांस्कृतिक धरोहरको सुन्दरता उजागर गरेको छ।

कार्यक्रमको प्रमुख उद्देश्य नेपाली परम्परा, संस्कृति, र सम्पदाको महत्त्वलाई अन्तर्राष्ट्रिय स्तरमा चिनाउने र यसको संरक्षणमा ध्यान केन्द्रित गराउनु रहेको छ। क्लासिक डायमण्ड ज्वेलर्स का गहनाहरूमा सजिएर मोडलहरूले सांस्कृतिक सम्पदामा आधारित परिधानोंको भव्यता प्रस्तुत गर्दा उपस्थित दर्शकहरूले उक्त दृश्यको निकै प्रशंसा गरेका थिए।

यस हेरिटेज रनवेले पर्यटन प्रवर्द्धनमा पनि योगदान पुर्याउने विश्वास गरिएको छ। नेपालका प्राचीन र ऐतिहासिक स्थलहरूको संरक्षण गर्दै त्यहाँ हुने सांस्कृतिक गतिविधिहरूलाई विश्वस्तरमा पुर्याउन यस्ता कार्यक्रमहरू निकै महत्त्वपूर्ण रहेको कार्यक्रम आयोजकहरूले बताएका छन्।

प्रकाशित मिति: मङ्लबार, अशोज १५, २०८१, ६:५६ बेलुका

लेखक: समाचारपाटी