काठमाडौं । क्रिकेट खेलाडी सिद्धान्त लोहनीलाई नेपाल क्रिकेट संघले ५ लाख रुपैयाँ आर्थिक सहयोग उपलब्ध गराउने भएको छ । क्यानका प्रवक्ता छुम्बी लामाले विज्ञप्ति जारी गर्दै लोहनीलाई उपचारका लागि ५ लाख रकम उपलब्ध गराउने निर्णय भएको जानकारी गराउनुभएकाे छ ।

कुनै समय नेपालका लागि खेल्ने सम्भावना बोकेका सिद्धान्त अहिले चोटका कारण पीडामा छन् । सन् २०२३ मा जनकपुरमा भएको महेन्द्रनारायण निधी टी-२० राष्ट्रिय प्रतियोगिता खेल्दै गर्दा उहाँ फिल्डिङको क्रममा घाइते हुनुभएकाे थियाे ।

भारतको गुरुगाउँमा घुँडाको शल्यक्रिया गराएपछि अहिले उहाँ थेरापी गरिरहनुभएकाे छ । सिद्धान्तले सन् २०१५ जुलाई १८ मा आईसीसी टी२० विश्वकप छनोट अन्तर्गत जर्सीविरुद्ध खेल्दै नेपालको सिनियर टिममा डेब्यु गर्नुभएकाे थियाे।

उक्त खेलमा उहाँले १६ बल खेल्दै २ चौका र २ छक्काको मदतमा २७ रन बनाउनुभएकाे थियाे ।

क्यानसिद्धान्त लोहनी

प्रकाशित मिति: बिहिबार, बैशाख ११, २०८२, ३:२३ बेलुका

लेखक: समाचारपाटी