काठमाडौं । नेकपा एमाले बागमती प्रदेश अध्यक्ष कैलाश ढुंगेल विजयी हुनुभएकाे छ । शुक्रबार भएको निर्वाचनमा अर्का प्रत्यासी कृष्णप्रसाद दाहाललाई २५७ मतले पछि पार्दै ढुंगेल अध्यक्षमा विजयी हुनुभएकाे हाे । ढुङ्गेल ६९६ मत पाएर विजयी हुँदा दाहालले ४३९ मत पाउनुभएकाे छ ।

उपाध्यक्ष पदमा दावा दोर्जे लामा विजयी हुनुभएकाे छ । यसैगरी सचिवमा नवराज सिलवाल एक मतले विजयी हुनुभएकाे छ । सिलवाल ५६८ मतले विजयी हुँदा अर्का प्रत्यासी हस्त पण्डितले ५६७ मत पाउनुभएकाे छ ।

खुला उपसचिवमा प्रेम कुमार महर्जन र महिला उपसचिवमा भक्त कुमारी लामा विजयी हुनुभएकाे छ । सहमतिमा नेतृत्व चयन गर्ने प्रयास असफल भएपछि विद्युतीय मेसिनमार्फत् पार्टी कार्यालय च्यासलमा आज मतदान भएको थियो । मतदानमा १ हजार १ सय ३५ मत खसेको थियो ।

कैलाश ढुंगेलनेकपा एमालेबागमती प्रदेश

प्रकाशित मिति: शनिबार, अशोज १३, २०८०, ९:५४ बिहान

लेखक: समाचारपाटी