टर्कीयेको राजधानी अंकारामा नक्कली मदिरा सेवनका कारण ३३ जनाको मृत्यु भएको छ । २० जना अझै सघन उपचार कक्षमा रहेको स्थानीय एनटीभीले शुक्रवार जनाएको छ । १३ जनालाई पक्राउ गरिएको छ । अंकारा प्रान्तीय गभर्नरको कार्यालयले यसअघि मंगलवार नक्कली मदिरा सेवनको विरुद्धमा सार्वजनिक चेतावनी जारी गरेको थियो । अन्य शहरहरूमा पनि यस्तै घटनाहरू रिपोर्ट गरिएका छन् । इस्तानबुलमा, जनवरीमा नक्कली–मदिरा विषाक्तताका कारण कम्तिमा ९० जनालाई अस्पताल भर्ना गरिएको थियो । जसमा ३८ जनाको मृत्यु भएको थियो । धेरैजसो मृत्यु मिथानोल विषाक्तताको कारणले हुन्छ । जुन अवैध मदिरा उत्पादनहरूको उत्पादनमा विषाक्त मिथानोल प्रयोग गर्दा हुन्छ । टर्कीका अधिकारीहरूले नक्कली मदिराको उत्पादन र विक्रीमा कडाइ गर्ने प्रयासहरू तिब्र पारेका छन् । 
सिन्ह्वा

टर्कीनक्कली मदिरा

प्रकाशित मिति: शनिबार, माघ २६, २०८१, ३:०६ बेलुका

लेखक: समाचारपाटी