केही सहकारीका कारण सहकारी क्षेत्रकै बदनाम भएको बेलामा सहकारीले समुदायको क्षमता विकासको काम गरेर विश्वास बटुल्नु पर्ने सहकारी सञ्चालकहरुले बताएका छन् । ललितपुरको महालक्ष्मी नगरपालिका वडा नं ९ का समुदायका लागि शनिबार भएको उद्घोषण तथा अभिमुखिकरण कार्यक्रममा बक्ताहरुले सो कुरा बताएका हुन् । सहकारीले सदस्यहरुको क्षमता बिकास र उनीहरुको चाहना अनुसार काम गर्न सके अफ्ठेरोमा नपर्ने र बन्द गर्नुपर्ने अवस्था नआउने भन्दै ब्रम्हपुरी बचत तथा ऋण सहकारी संस्थाले कार्यक्रमको आयोजना गरेको ब्रम्हपुरी बचत तथा ऋण सहकारी संस्थाका अध्यक्ष रामशरण घिमिरेले जानकारी दिनुभयो ।

कार्यक्रममा ५० भन्दा बढिको सहभागिता रहेको थियो । महिलाहरुको क्षमता र नेतृत्व बिकासको कार्यक्रमहरु सहकारीले नियमितरुपमा गर्दै जाने सहकारीकर्मी दामोदर आचार्यले जानकारी दिनुभयो । कार्यक्रममा सहभागिहरुलाई कार्यक्रममा प्रमुख अतिथी एमाले नेता चिरन्जीबी आचार्यले प्रमाणपत्र प्रदान गर्नुभएको थियो । प्रशिक्षण दिदैं सीआईएनका प्रमुख दीपक आचार्यले सहकारीहरुले समुदायको आवस्यकता अनुसार क्षमता विकासका कार्यक्रम गर्न सके सहकारीहरुको दिगो बिकास हुने बताउनुभयो ।

सहकारी

प्रकाशित मिति: आइतवार, माघ २८, २०८०, १०:३६ बिहान

लेखक: समाचारपाटी