पोखरा । दर्शन सहकारी तथा ऋण संस्था लिमिटेड पोखरा १३ औं वर्षमा प्रवेश गरेको छ । संस्थाले १३ औं स्थापना दिवस आज (आईतबार) एक कार्यक्रमका बीच मनाएको हो । कार्यक्रमको उद्घाटन कास्की जिल्लाका सहायक जिल्ला अधिकारी अनिल कुमार शाहिले गर्नुभएको थियो ।

कार्यक्रममा प्रमुख अतिथि शाहिले सहकारी गौरब लाग्दो र राम्रो सहकारी बनाएर सेवा प्रदान गर्न आवश्यक रहेको बताउदैं कार्यसमितिलाई आ–आफ्नो जिम्मेवारी बहन गर्न अनुरोध गर्नुभयो । शाहिले सहकारीलाई राज्यले समेत महत्वपु्र्ण रुपमा लिएका हुँदा यसलाई सकारात्मक ढंगले सबैले सहयोग गर्नुपर्ने जोड दिनुभयो । ठकुरी महासघंका केन्द्रिय अध्यक्ष तथा दर्शन सहकारी सस्थापक अध्यक्ष खिम बहादुर शाहिले ठकुरीले छरिएर रहेको पुजिलाई एकिकृत गर्दै लैजाने सोचले सहकारीको स्थापना गरिएको बताउनुभयो ।

कार्यक्रममा संस्था सल्लाहकार खड्ग बहादुर शाहि, ठकुरी संगम परिवार कास्कीका बरिष्ठ उपाध्यक्ष याम बहादुर हमाल, सस्थांपक प्रबन्धक रबिन्द्र बिक्रम चन्द लगायतले शुभकामना मन्तव्य व्यक्त गर्नुभएको थियो । कार्यक्रममा सहकारीका सस्थांपक प्रबन्धक रबिन्द्र बिक्रम चन्दलाई सम्मानका साथै बिदाई पनि गरिएको थियो ।

दर्शन सहकारी संस्थाका अध्यक्ष बिष्णु कुमारी उच्चैको अध्यक्षतामा सम्पन्न कार्यक्रममा स्वागत उपाध्यक्ष राजाराम शाहि र सचिव ज्योती हमालले सञ्चालन गर्नु भएको थियो ।

सहकारी

प्रकाशित मिति: आइतवार, फाल्गुन ७, २०७९, ५:०७ बेलुका

लेखक: समाचारपाटी