काठमाडौं । मकवानपुरको हेटौँडा–१५ रातोमाटेमा क्रेन दुर्घटना हुँदा सहचालकको मृत्यु भएको छ ।

बिहान पौने ६ बजे पूर्व पश्चिम सडक खण्डको रातोमाटेमा ना १ क ६०५५ नम्बरको क्रेन अनियन्त्रित भइ सडकको छेउमा पल्टिँदा बाराको विश्रामपुर बस्ने १८ वर्षका सहचालक विपीन महतोको मृत्यु भएको मकवानपुरका प्रहरी उपरीक्षक एवम् प्रहरी प्रवक्ता लक्ष्मी भण्डारीले बताउनुभयो ।

क्रेनले च्यापिएको अवस्थामा घाइते भएका महतोलाई स्थानीय बासिन्दाको सहयोगमा निकालेर उपचारको लागि हेटौँडा अस्पताल पठाएकोमा डाक्टरले मृत घोषणा गरेका हुन् ।

दुर्घटनामा पर्साको वीरगञ्ज–३० लालपर्साका ३० वर्षका चालक दशरथ पासवान सामान्य घाइते हुनुभएको प्रहरीले जनाएको छ ।

क्रेन दुर्घटना हुँदा सहचालकको मृत्यु

प्रकाशित मिति: बिहिबार, कार्तिक ९, २०८०, १०:५२ बिहान

लेखक: समाचारपाटी