काठमाडौं I रवि बोपाराको अर्धशतकको मद्दतमा चितवन राइनोजले नेपाल प्रिमियर लिग (एनपीएल) मा कर्णाली याक्सलाई १३१ रनको लक्ष्य दिएको छ।

टीयू मैदानमा टस हारेर पहिले ब्याटिङ गरेको चितवनले ७ विकेट गुमाउँदै १३० रन बनायो। बोपाराले ४० बलमा ७ चौका र १ छक्का प्रहार गर्दै अविजित ५९ रन बनाए। कप्तान कुशल मल्लले २३ रनको योगदान दिए भने विपिन रावलले ११ रन जोडे। तर, अन्य ब्याटरले दोहोरो अंक छुन सकेनन्।

कर्णाली याक्सका बलरहरूले उत्कृष्ट प्रदर्शन गरे। युवा बलर विपिन प्रसाद शर्माले ४ ओभरमा २१ रन खर्चेर ३ विकेट लिए। जिसान मक्सुले पनि ४ ओभरमा २२ रन खर्चेर २ विकेट झारे।

चितवनले दिएको १३१ रनको लक्ष्य पछ्याउँदै कर्णाली याक्सले बलियो प्रदर्शन गर्ने अपेक्षा गरिएको छ।

प्रकाशित मिति: शुक्रबार, मंसिर २१, २०८१, ११:०१ बिहान

लेखक: समाचारपाटी