काठमाण्डौँ । नेपाली माटोलाई आफ्नो छातीमा सजाउँदै मौलिक लोक तथा दोहोरी गीत संगीतको जगेनार्थ इन्द्र तामाङ्गले भर्खरै मात्र 'चौतारीमा बर र पिपल' बोलको गीतलाई सार्बजनिक गरेका छन् । कुनै रोधीघरमा रोधी बस्दाको झझल्को मेटाउने यस गीतमा इन्द्र तामाङ्ग र अर्चना स्यन्ग्तानको सुमधुर स्वर सुन्न सकिन्छ । गायिका अर्चनाले अहिले सम्म असंख्य गीतहरुमा आफ्नो स्वर भरिसकेकी छिन् ।

माथि उल्लेखित गीतलाई लय तथा संगीत संयोजन बिष्णु तामाङ्गले भरेका हुन् भने शब्द गायक तथा प्रस्तुतकर्ता इन्द्रले नै भरेका छन् । निकै रोमान्चक स्वादमा तयार भएको गीतको म्युजिक भिडियोमा कुमार सुनेल, मेलिना मगर, राजकुमार बिस्वकर्मा र सिता सरगमको आकर्षक अभिनय देख्न सकिन्छ ।

मिलन फिल्म्स प्रडक्सन युट्युब च्यानल मार्फत सार्बजनिक गरिएको इन्द्र तामाङ्गको यस गीतको म्युजिक भिडियोलाई निर्देशन मिलन श्रेष्ठ, छायांकन सन्तोष तिमल्सिना र सम्पादन रोशन धितालले गरेका छन् ।

https://www.youtube.com/watch?v=LuTySsG4X_U&t=1s

मौलिक गीत

प्रकाशित मिति: मङ्लबार, मंसिर २७, २०७९, ११:४० बिहान

लेखक: समाचारपाटी