चौथो चापाकोट देउराली सामुदायिक होमस्टे सांस्कृतिक महोत्सव २०८० सम्पन्न भएको छ । महोत्समा भएको भलिबल प्रतियोगितामा पहिलो ठुलाखेत दोस्रो घाटिछिना दोस्रो भएको छ । झाकी र्याली प्रतियोगितामा पहिलो हर्पन खोला तमु समाज, दोस्रो सहनसिल आमा, तेस्रो नमुना हर्पन आमा समूह र सान्त्वना लालि गुराँस आमा समूह भएको छ ।

दुना टपरी बनाउने प्रतियोगितामा पहिलो पबित्रा देवकोटा, दोस्रे पार्वती अधिकारी, तेस्रो शान्ति बिक र सान्त्वना उजेली सुनार हुनुभयाे । नैमती बाजा प्रतियोगितामा पहिलो सगरमाथा नैमती बाजा, दोस्रो पञ्चोसे नैमति बाजा, तेस्रो आदिखोला नैमती बजार, सान्त्वना भुका देउराली नैमती बाजा र चापकोट नैमती बाजा भएको छन् । भजन प्रतियोगितामा पहिलो पञ्चासे भजन समूह, दोस्रो राधाकृष्ण भजन समूह, तेस्रो सन्जय ढकाल दाजु भाई समूह र सान्तवना अ‍ैसेललुचउर भजन समूह घोषित भए ।
बिद्यालय स्तरीय नृत्य प्रतियोगितामा पहिलो अश्मी गुरुङको समूह, दोस्रो सिमा रानाको समूह, तेस्रो सिद्व बराहा र सान्त्वना जनकल्याण बोडिङ् स्कुल भएका छन् ।

कौडा नृत्य प्रतियोगितामा पहिलो पुर्णिामा संस्कृति कला केन्द्र, दोस्रो सनराईज बोडिङ्, तेस्रो अरपिता गुरुङको समूह,सान्त्वना सिद्वबराहा माबी भएका छन् । रत्यौली गित प्रतियोगितामा पहिलो पिपलडाली आमा समूह, दोस्रो पञ्चासे परिवर्तन समूह, तेस्रो सहनसिल आमा समूह, सान्त्वना देउराली आमा समूह भएका छन् ।

गण्डकी प्रदेश सरकार प्रदेश सभा सदस्य प्रकाश बरालले संस्कृति संरक्षणमा महोेत्सबले महत्त्वपूर्ण भुमिका खेलेको बताउनुभयाे । सरकारले यस्ता कार्यक्रमलाई प्रसोहान गर्नुपर्ने बताउनुभयाे । सरकारको सिमित स्रोत र साधन भएको कारण जनताको आसा अनुसार बिकास गर्न नसकिएको स्विकार गर्नुभयाे ।

पोखरा २३ वडा अध्यक्ष रामकाजीले गुरुङ पर्यटन प्रवर्द्धनमा महोत्सबले सहयोग गर्ने जानकारी दिनुभयाे । होमस्टेको लागि पुर्वाधार बिकास योजना नमुना गोरेटो बाटो निर्माण हुदै गरेको छ । पोखरा २४ वडा सदस्य रेशम सुवेदी चापकोट क्षेत्रलाई पर्यटन क्षेत्र घोषणा गर्न पहल गर्ने बताउनुभयाे ।

पोखरा महागर पर्यटन प्रवर्द्धन संघ उपाध्यक्ष रबिन्द्रराज पौडेल चापकोटमा पर्यटन प्रवर्द्धन गर्न पहिला पनि पहल गरेको र आगामी दिनमा पनि आवस्यक पहल गर्ने बताउनुभयाे ।

पर्यटन प्रबर्धन समितिका अध्यक्ष भिम पराजुलीको अध्यक्षतामा कार्यक्रम सम्पन्न भएको थियो । महोत्सव सह संयोजक रोहन सुनार २४ गतेबाट २८ गतेसम्म भएको थियो ।

सांस्कृतिक महोत्सव

प्रकाशित मिति: मङ्लबार, फाल्गुन १, २०८०, ११:१३ बिहान

लेखक: समाचारपाटी