काठमाडौं । नेपाली काँग्रेसका सांसद डा.चन्द्रकान्त भण्डारीले नेपालको शिक्षा समायानुकुल नभएको बताउनुभएको छ । 
बुधवार सिंहदरबारमा बसेको शिक्षा, स्वास्थ्य तथा सूचना प्रविधि समितिको बैठकमा बोल्दै उहाँले यस्तो बताउनुभएको हो । उहाँले नेपालको शिक्षा नीति अरुको लागि उत्पादन गरिदिने थलो  भएको तर नेपालका लागि र नेपालीका लागि योग्य जनशक्ति उत्पादन गर्न असक्षम भएको बताउनु भयो । उहाँले नेपालको समयानुकुल शिक्षा नीति नहुँदा विद्यार्थीहरु विदेश पलायन भइरहेको बताउनु भयो ।

उहाँले प्राथमिक शिक्षा, क्याम्पस शिक्षा र उच्च शिक्षा गरी तीन क्षेत्रमै नेपालमा चुनौति रहेको भन्दै समयानुसार पाठ्यक्रमको विकास गर्नुपर्नेमा जोड दिनुभयो । उहाँले विश्वविद्यालय बेरोजगार उत्पादनको केन्द्र बनिरहने हो भने विश्वविद्यालय सञ्चालन भइरहनुभएको अर्थ नरहेको जिकिर गर्नुभयो । उहाँले नतिजा समयमा ननिस्किने, परीक्षा समयमा नहुने, पाठ्यपुस्तक समयमा नै विद्यार्थीले नपाउने लगायतका समस्या अहिले पनि विद्यमान रहेको बताउनु भयो ।

उहाँले भन्नुभयो, ‘हाम्रो नेपालको शिक्षा नीति अरुको लागि उत्पादन गरिदिने थलो भयो, नेपालका लागि र नेपालीका लागि गर्न सकेन । नभन्दै अहिले हामीले हाम्रा युवाहरु बाहिर जान्छन्, त्यही शिक्षाको परिणाम हो यो । हामीले तल्लो तह, क्याम्पस र उच्च शिक्षामा यि तीनै क्षेत्रमा हाम्रा धेरै चुनौति छन्, यी सके लिडरसिपको कारण हो । हाम्रो पाठ्यक्रम पनि हामीले राम्रो बनाउन सकेनाँ ।

समयानुकलु छैन, परीक्षा प्रणाली पनि समायानुकुल छैन, नतिजा पनि समयमा निस्किँदैन, हाम्रो विद्यार्थीले १० कक्षा पास गर्दा सामान्य कुरा पनि बुझेको हुँदैन, उसले कुनैपनि कुरा बुझेको हुँदैन, नेपाल, नेपालको स्थिति केही बुझेको हुँदैन, यस्तो कुरा मैले कतैपनि देखेको छैन । विश्वविद्यालयथ बन्द गरौँ, किन तलव ख्वाएर राख्ने, बेरोजगारीको थुप्रो उत्पादन गर्ने विश्वविद्यालय किन चाहियो, यो मैले ७ वर्षअघि भनेको हो, अझै पनि त्यही छ ।’

सांसद भण्डारीले नेपालमा कुन शिक्षाको प्रणाली अपनाउने हो त्यो स्पष्ट हुनुपर्ने बताउनु भयो । उहाँले नेपालमा नयाँ तरिकाबाट शिक्षाका बारेमा नसोचेसम्म विद्यार्थीहरुल पलायन हुने क्रम नरोकिने दाबी गर्नुभयो ।

चन्द्र भण्डारीनेपालको शिक्षा समायानुकुल

प्रकाशित मिति: बुधबार, साउन ३, २०८०, ५:४५ बेलुका

लेखक: समाचारपाटी