fbpx

सेन्चुरी बैंकका तत्कालीन अध्यक्ष श्रेष्ठसहित ९ जना पक्राउ

author

समाचारपाटी

२ दिन अगाडि

काठमाडौं । धितोले खाम्नेभन्दा अत्यधिक बढी रकम २ अर्ब ३० करोड ८१ लाख रुपैयाँको कर्जा प्रवाह गरी ठगेको आरोपमा सेन्चुरी कमर्सियल बैंकका तत्कालीन अध्यक्ष राजेशकुमार श्रेष्ठसहित नौ जना सञ्चालकलाई पक्राउ गरिएको छ। गत फागुन १४ गते बैंकिङ कसुर तथा सजाय ऐन, २०६४ बमोजिम मुद्दा दर्ता गरी अनुसन्धानको क्रममा तत्कालीन सञ्चालक समितिका अध्यक्ष श्रेष्ठसमेतको संलग्नता देखिएकोले उक्त पदाधिकारीहरू तथा कर्मचारीलाई उच्च अदालत पाटनबाट पक्राउ अनुमति दिएकाले नेपाल प्रहरीको केन्द्रीय अनुसन्धान ब्युरो (सीआईबी)ले सोमबार पक्राउ गरेको हो।

सीआईबीले श्रेष्ठसहित बैंकका सञ्चालक समितिका तत्कालीन सदस्य सुनीलकुमार न्यौपाने, प्रा.डा.गीता प्रधान, रमेशकुमार निरौला, रणबहादुर श्रेष्ठ, राजेशकुमार दली, उमाकुमारी श्रेष्ठ, अभिषेक बज्राचार्य र बैंकका कर्मचारी शिवगोपाल रिसाललाई काठमाडौंका विभिन्न स्थानबाट पक्राउ गरेको हो। पक्राउ सबैको उच्च अदालत पाटनबाट बैंकिङ कसुर तथा सजाय ऐन, २०६४ बमोजिम कसुरमा अनुसन्धान भइरहेको सीआईबीले जारी गरेको प्रेस विज्ञप्तिमा उल्लेख छ।

ती व्यक्तिहरूले नेपाल राष्ट्र बैंकले जारी गरेको निर्देशन तथा निर्देशिकाको अधिनभन्दा बाहिर रहेर आफू अनुकूलको अवस्था सिर्जना गरी कम्पनीको वास्तविक कारोबार रकमभन्दा बढी भएको देखाएर आन्तरिक राजस्व कार्यालयको नक्कली कर चुक्ता प्रमाणपत्रसमेत बनाएको आरोप छ। यससँगै, तिनीहरूले मूल्य अभिवृद्धि करको कागज बनाएर नभएको कारोबारको स्टक तथा रिसिभेबल देखाई गलत वित्तीय विवरण तयार गरेको भन्ने खुलेको छ।

अझ बैँकिङ कसुरमा संलग्न तत्कालीन सेन्चुरी कमर्सियल बैंकका तत्कालीन सीईओ मनौज न्यौपानेसमेतलाई गत फागुन १४ गते बैंकिङ कसुर तथा सजाय ऐन, २०६४ बमोजिम मुद्दा दर्ता गरी अनुसन्धानमा रहेको जनाइएको छ। ‘उनीहरूले नक्कली लेखा परीक्षणसमेत बनाई नक्कली कागजातसमेतको आडमा गैरकानुनी रूपमा आ–आफ्नो जिम्मेवारीअनुसारको फरकफरक भूमिका निर्वाह गरी विभिन्न शीर्षकमा धितोले खाम्नेभन्दा अत्यधिक बढी रकम जम्मा २ अर्ब ३० करोड ८१ लाख प्रवाह गरेका थिए।,’ सीआईबीले भन्यो, ‘काठमाडौं, ललितपुर र भक्तपुरमा सञ्चालित देउराली बहुउद्देश्यीय सहकारी संस्था लिमिटेडको सञ्चालक समितिको अध्यक्ष, तथा पूजा गु्रपअन्तर्गतका पूजा ट्रेडिङ एन्ड मार्केटिङ प्रालि, पूजा मार्केटिङ प्रालि, थ्री ब्रदर्स मार्केटिङ प्रालि र अन्नपूर्ण डिस्टिलरी प्रालिसमेतको सञ्चालक रहेका प्रतिवादी रवीन्द्र चौलागाईंले तत्कालीन सेन्चुरी कमर्सियल बैंकका कर्मचारी तथा पदाधिकारीसमेतका व्यक्तिसँग मिलेमतो गरी आपराधिक मनशायका साथ नियोजित रूपमा तत्कालीन सेन्चुरी कमर्सियल बैंकको रकम हिनामिना गर्ने उद्देश्य राखेर प्रतिवादी रवीन्द्र चौलागाईंले उनको परिवारभित्रका नातेदारसमेतको नाममा ती कम्पनी सञ्चालन गर्दै आएका थिए।’

annapurnapost

प्रतिक्रिया दिनुहोस्

हामी तपाईंको इमेल अरू कसैसँग साझा गर्दैनौं।


काठमाडौं

बिहिबार, जेष्ठ ३१, २०८१

२९.१५°

चर्चामा भएको ट्रेन्डिङ

थप देखाउनुहोस्

विज्ञापन

कुनै विज्ञापन छैन

राजनीतिक समाचार

थप देखाउनुहोस्

‘सरकारले लगानी बोर्ड तत्काल खारेज गर्नुपर्छ’

समयमा नै किसानलाइ मल उपलब्ध गराउन रास्वपाको माग

राष्ट्रपति महिला उत्थान कार्यक्रम खारेज गर्न प्रेम सुवालको माग

एमालेको माग, भारत भ्रमणबारेमा प्रधानमन्त्रीले संसद्‍लाई जवाफ दिनुपर्छ

विचार/विविधा

थप देखाउनुहोस्
विचार

खुट्टाको ३ औलाको सहयोगले लेख्ने प्रतिभावान् साहित्यकार झमक कुमारी घिमिरे 

औपचारिक शिक्षा पाउन असमर्थ घिमिरेले, घरमा भाइ र बहिनीले पढेको र लेखेको ,देखेर र सुनेरै आफ्नो क्षमता विकास गरेकि हुन्।...

विचार

नेपालमा चुराको अन्तरकथा

नेपाली दिदीबहिनीहरूले लगाउने चुरा, पोते अनि मेहेन्दी स्वदेशी मूलको त होइन नै, यी हाम्रो देशमा उत्पादन पनि हुँदैनन् । यी...

विचार

आमाका अन्तर मनका कठोर प्रश्नहरु

हिजोका दिनमा बच्चाहरुले सिक्ने क्रममा गरेका कयौं गल्तीहरुलाई क्षमादिदै उसलाई अगाडि बढ्नको लागि प्रोत्साहन दिने आमा बाबालाई आज बच्चाहरुले किन...

मनोरञ्जन समाचार

थप देखाउनुहोस्

गीतकार प्रमिला बस्नेतको हिन्दी गीत ‘बहुरानी’ सार्वजनिक

नेपाली चलचित्र ‘दान्भी’ को ट्रेलर सार्वजनिक

नेपाली चलचित्र ‘पुजार सार्की’को प्रिमियर शो

कालोकालो कपालमा खैरो..’मा प्रियंका रगम्भिरको रोमान्स

आजको राशिफल

थप देखाउनुहोस्

मेष

वृष

मिथुन

कर्क

सिंह

कन्या

तुला

वृश्चिक

धनु

मकर

कुंभ

मीन