केन्द्रिय निर्वाचन आयोगको प्रारम्भिक नतिजाअनुसार लिथुआनियाको विपक्षी दल सामाजिक लोकतान्त्रिक पार्टी (एलएसडीपी) संसदीय निर्वाचनमा विजयी भएको छ । दुई हप्ताअघि पहिलो चरणमा एलएसडिपीले लिथुआनियाको संसदको सेइमासमा २० सिट जितेको थियो । आईतवार भएको दोस्रो चरणमा पार्टीले ३२ एकल जनादेश क्षेत्र प्राप्त गरेको छ । सत्तारुढ होमल्याण्ड युनियन–लिथुआनियाली क्रिस्चियन डेमोक्र्याटहरू चुनावमा दोस्रो भए । तीन दलको गठबन्धन बनेमा सिमासका १४१ सिटमध्ये ७४ सिटमा बहुमत ल्याउनेछ । दोस्रो चरणमा करिव ४१.३ प्रतिशत मतदाताले मतदान गरेको केन्द्रिय निर्वाचन आयोगको तथ्यांकले बताएको छ । २०२० मा भएको संसदीय चुनावको रनअफ राउण्डको तुलनामा मतदान बढी छ । तर यो वर्षको पहिलो चरणको मतदानभन्दा कम छ । २०२० मा दोस्रो चरणमा करिव ३९.२४ प्रतिशत मतदाताले मतदान गरेका थिए । जबकि पन्ध्र दिनअघि यस वर्षको पहिलो चरणको निर्वाचनमा मतदान ५२.१८ प्रतिशत पुगेको थियो । 
सिन्ह्वा

केन्द्रिय निर्वाचन आयोगलिथुआनिया

प्रकाशित मिति: बुधबार, कार्तिक १४, २०८१, १०:०६ बिहान

लेखक: समाचारपाटी